Samfélagsmiðill Elon Musks, X, er orðnn skotmark Frakklandi. Á þriðjudag réðst lögreglan inn í höfuðstöðvar X í París – mitt í vaxandi rannsókn ESB á miðlinum. Margir telja að um sé að ræða aðgerð undir fána ESB til að þagga niður í óþægilegum röddum.
Á þriðjudag gerði franska lögreglan húsleit hjá X í París. Húsleitin var gerð án viðvörunar. Yfirvöld kalla þetta „leitaraðgerð“ en margir segja að um pólitískar ofsóknir sé að ræða, þar sem ESB tekur sífellt harðari afstöðu gegn málfrelsi og frjálsum kerfum. Samkvæmt upplýsingum hjá X var starfsfólki gert að vera eftir á meðan tölvur voru gerðar upptækar. Þessar upplýsingar hafa ekki verið staðfestar af yfirvöldum. En þær sýna hvaða Stasi-aðferðir ESB notar til að skapa ótta og vekja reiði meðal notenda.
X sem fyrirtæki hefur ekki enn tjáð sig um atvikið. Eigandinn Elon Musk hefur heldur ekki tjáð sig um málið.
Musk og Yaccarino kölluð til yfirheyrslu
Rannsókn ESB á samfélagsmiðlinum og Elón Musk hófst í janúar 2025. Franski stjórnmálamaðurinn Éric Bothorel kvartaði þá yfir því að X hefði breytt reikniritum sínum. Í júlí 2025 var rannsóknin stækkuð til að ná einnig til gervigreindar X Grok.
Musk og fyrrverandi forstjórinn Linda Yaccarino eru kölluð til yfirheyrslu í apríl 2026. Þetta er „frjáls fundur“ þ.e.a.s. ekki skylda. Engu að síður er þetta talin leið til að auka þrýsting á Elon Musk persónulega.
Grunur beinist að X varðandi dreifingu á ólöglegu efni, falsaðar myndir sem eru búnar til með gervigreind, brot á minnislögum og íhlutun í upplýsingaflæðið. Gagnrýnendur segja ásakanirnar vera óljósar og pólitískt litaðar.
ESB eykur hörkuna – gagnrýnin eykst
Í desember 2025 var X sektað um 120 milljónir evra. Þá var X ásakað um galla í merkingum, auglýsingar og dreifingu gagna. Nýjar endurskoðanir á Grok eru núna í gangi, bæði innan ESB og í Bretlandi.
Opinskár stuðningur Musk við fullveldissinnaða stjórnmálaflokka og stjórnarandstæðinga ESB hefur gert yfirstéttina í Brussel brjálaða. Gagnrýni eykst núna á því að stafræn lög ESB, DSA (Digital Services Act), séu notuð til að þagga niður í óþægilegum röddum. Mario Nawfal, sem er með einn stærsta þáttinn á X, skrifar í færslu:
„Þetta er ríkisárás á X og Elon Musk – og að lokum á tjáningarfrelsið. Þeir sem ekki lúta stefnu ESB verða skotmörk.“
Þetta er ekki í fyrsta skipti sem Frakkland ræðst á samfélagsmiðla sem vernda tjáningarfrelsið. Í ágúst 2024 var stofnandi Telegram, Pavel Durov, handtekinn í París og var neitað í langan tíma um leyfi til yfirgefa Frakkland. Vísað var til þess að Telegram hefði ekki gripið til nægilegra aðgerða gegn ásökunum um barnaklám og öryggisógnir.