Bandaríkin eru endanlega hætt þátttöku í Alþjóðaheilbrigðismálastofnuninni sem sækist eftir einræðisvaldi í heilbrigðismálum jarðarbúa. Heilbrigðisráðherra Bandaríkjanna, Robert F. Kennedy yngri, gefur skýringu á því, hvers vegna Bandaríkin hafa slitið sambandi við Alþjóðaheilbrigðismálastofnunina WHO. Stofnunin er sökuð um stjórnmálavæðingu, valdníðslu og svik á meðan faraldurinn geisaði.
Þann 22. janúar 2026 tók úrsögn Bandaríkjanna úr Alþjóðaheilbrigðismálastofnuninni (WHO) gildi. Á sama tíma birtu heilbrigðisráðherrann Robert F. Kennedy yngri og utanríkisráðherrann Marco Rubio sameiginlega yfirlýsingu, þar sem ákvörðunin er réttlætt og útskýrð með því, hvernig stofnunin tókst á við faraldurinn, skrifræðislegri uppbyggingu hennar og pólitískum áhrifum frá þjóðum sem eru fjandsamlegar hagsmunum Bandaríkjanna. Í yfirlýsingunni segir:
„Alþjóðaheilbrigðismálastofnunin hefur yfirgefið kjarnahlutverk sitt og ítrekað brugðist gegn hagsmunum Bandaríkjanna. Stofnunin kom í veg fyrir hraða og nákvæma miðlun upplýsinga, sem hefði getað bjargað bandarískum mannslífum.“
Í sameiginlegu yfirlýsingunni er Alþjóðaheilbrigðismálastofnunin einnig gagnrýnd fyrir að neita að skila bandaríska fánanum sem var fyrir utan höfuðstöðvar stofnunarinnar í Genf:
„Við munum taka fánann okkar til baka – fyrir Bandaríkjamennina sem létust einir á hjúkrunarheimilum, fyrir smáfyrirtækin sem voru eyðilögð vegna takmarkana sem Alþjóðaheilbrigðismálastofnunin knúði fram og fyrir öll þau líf sem fóru forgörðum vegna aðgerðaleysis þessarar stofnunar.“
Þurfa ekki erlendar stofnanir
Í myndbandsyfirlýsingu sem birt var á X útfærir Kennedy sjónarmið sín nánar. Hann sakar Alþjóðaheilbrigðismálastofnunina um að hafa villst af leið og fest sig í „myrkri skrifræði, hagsmunaárekstrum og alþjóðlegum valdastjórnmálum.“ Kennedy segir á myndbandinu:
„Við höfum ákveðið að endurheimta sjálfstæði okkar og vernda fullveldi Bandaríkjanna og heilbrigðisstefnu okkar gegn kerfi sem þjónar ekki lengur bandaríska fólkinu.
Á meðan faraldurinn geisaði voru mistök Alþjóðaheilbrigðismálastofnunarinnar ekki bara abstrakt – þau voru banvæn. Heimurinn sá gagnsæið hrynja. Venjulegt fólk borgaði verðið. – Við þurfum ekki erlendar stofnanir til að vernda Bandaríkjamenn hvorki heima né erlendis.“
Kennedy ver ákvörðunina sem aðgerð til að styrkja lífsöryggi, viðbúnað og nýsköpunargetu Bandaríkjanna – án þess að reiða sig á alþjóðlega milliliði og segir ákvörðunina um að hætta samstarfi við Alþjóðaheilbrigðismálastofnunina vera tekna fyrir bandarískan almenning:
„Fyrir Bandaríkjamennina sem létust einir á sjúkrahúsum, fyrir litlu fyrirtækin sem eyðilögðust vegna takmarkana, fyrir fjölskyldurnar sem sundruðust – þessi ákvörðun er fyrir ykkur.“