Viðar Sigurðsson er gagnrýninn á skólakerfi sem getur ekki lengur séð til þess að börn kunni að lesa og fara með margföldunartöfluna. Hann og sonur hans tóku þá til þess ráðs að búa til rapplag: Sannleikurinn um skólamálin. Sonurinn syngur: „Þið heyrið ekki hvað ég er að segja, viljið þið gera mig að þræl?“
Donald Trump kemur einnig við sögu, því fleyg orð hans á Bandaríkjaþingi: Það eru einungis til tvö kyn: maður og kona, heyrast í laginu. Kannski tekur einhver illa við sér yfir því en af hverju er verið að ásaka fólk fyrir að vera transfóba af því að það heldur fast í kristna skoðun um föður og móður? Eitthvað virðist hafa gengið úrskeiðis í skólamálunum, því þrátt fyrir sífellt fleiri langskólagengna og hámenntaða, þá hrakar kennslunni stöðugt. Spyrja má því: hvað er eiginlega verið að gera í skólunum?
Viðar sagði frá kynítroðslumálum til ungra barna á aldrinum 8-10 ára og voru bæði hann og Gústaf Skúlason sammála um hverslags geðveiki það er að vera að troða kynlífslýsingum og klámi upp á ókynþroska börn og rugla þau í ríminu. Eiginlega er verið að ræna sakleysi barna af þeim með slíku framferði. Ekki bætir úr skák ef ekki má gagnrýna kennsluefni, kennsluaðferðir eða afstöðu þeirra kennara sem afneita aldagömlum staðreyndum um tilvist kynjanna. Slík afstaða etur saman skólayfirvöldum og foreldrum og leiðir einungis til neikvæðara andrúmslofts í kennslustofunum sem skilar sér í lélegri árangri nemenda.
Lausnin á þessu vandamáli er ekki að gera foreldra valdalausa yfir börnum sínum og gera börn að ríkiseign, heldur felst lausnin í því nákvæmlega eins og Einar Freyr syngur að yfirvöld eigi að hlusta á börnin og ekki innræta þau í að gerast þægir þrælar.
Viðtalið kemur inn á þeim tímapunkti, þegar einelti og ofbeldi breiðir úr sér í grunnskólum landsins og börn þora ekki lengur að fara í skólann og foreldrar íhuga að flytja burtu .
Annað sem Viðar bendir á er að einhliða kvenlegar fyrirmyndir duga ekki einar og sér. Börn þurfa bæði kven- og mannlegar fyrirmyndir á uppvaxtarárunum og í reynd hefur orðið afturför í skólum landsins miðað við uppvaxtarár Viðars og Gústafs, því þá var ekki svo mikið vandamál að kenna krökkum að reikna, lesa og skrifa.
Vonandi halda þeir feðgar áfram á rappbrautinni, lagið er bráðskemmtilegt og um leið þörf hugvekja á samtímamálum sem margir fullorðnir virðast eiga í erfiðleikum með að ræða.
