Íris Erlingsdóttir fjölmiðlafræðingur er stödd á Íslandi og var boðið í Bjórkast þeirra félaga Jóns Þormars, Helga Bjarnasonar og Sverris Helgasonar. Eins og við var að búast voru aðalumræðuefnin kynjamálin, kvennahreyfing sem komin er í mótsögn við mannréttindi, hælisleitendamálin m.fl. Umræðurnar voru mjög fróðlegar, staðreyndir settar fram sem sýndu á hispurslausan hátt, þann veruleika sem íslenska þjóðin býr við sem og fleiri lönd í Evrópu. Blaðamenn eru gagnrýndir fyrir meðvirkni og raunverulegan heilaþvott á almenningi og innrætingu í stað hlutlausrar blaðamennsku. Vókið er kallað sínu rétta nafni: Menningarmarxismi sem tröllríður Íslandi. Var það sameiginleg niðurstaða umræðenda að þjóðin þyrfti að taka sig saman og stöðva ástandið áður en það verður um seinan eins og raunin virðist vera um Bretland og Írland.
Frá demókrata til gagnrýnanda
Í upphafi þáttarins lýsti Íris því hvernig hún var lengi stuðningsmaður Demókrataflokksins í Bandaríkjunum en fór að efast um stefnu hans, sérstaklega í kringum málefni tengd börnum og kynvitund. Hún sagði að vendipunkturinn hafi komið þegar hún fór að kynna sér umræðu um aðgerðir og meðferðir tengdar transmálum, meðal annars eftir að hafa lesið grein eftir J.K. Rowling. Eftir frekari rannsóknir segist hún hafa komist að þeirri niðurstöðu að hún gæti ekki lengur stutt þá stefnu sem hún taldi vera í gangi.
Til umræðu voru meðal annars transmálin og hvað verið er að gera börnum illan leik með því að halda því að þeim að þau geti „skipt um kyn.” Mörg ríki hafa bannað þroskahemlandi hórmónameðferðir en á Íslandi virðast yfirvöld eiga erfitt með að viðurkenna að þau geti gert mistök.
Staðreyndir afgreiddar sem „hatursásakanir“
Rætt var um hvernig opinber umræða fer fram og sagt frá dæmum um að fólk forðast að tjá sig af ótta við viðbrögð sem þrengi alla umræðu þar sem gagnrýni sé oft stimpluð sem hatur. Þrengir það umræðuna alla og virkar eins og ritskoðun. Sérstaklega á þetta við um Samtökin 78 sem kæra óspart þá sem eru á annarri skoðun en sú hugmyndafræði sem S 78 boða. Gerð var samlíking við menningarbyltinguna í Kína, því vók hugmyndafræðin væri árás á þjóðina og tungu hennar, sögu og menningu.
Meðal annars birtist það í notkun regnbogafána S 78 á opinberum byggingum sem eiga að flagga íslenska fánanum. Talað var um að hjarðhegðun á Íslandi væri mun meiri en í öðrum löndum sem er hættulegt fyrir lýðræðið ef það fær að ná fótfestu. Samfélagslegur þrýstingur er gríðarlegur og þegar meginfjölmiðlar eru hættir að segja frá staðreyndum er tekur tíma fyrir fólk að afla sér upplýsinga.
Hugmyndafræði, tungumál og „vók“
Í þættinum er farið yfir hugtakið „vók“ og hvernig verið er að grafa undan tungumálinu með nýjum hugtökum sem rugla málið og gera grundvöll í samskiptum fólks lausari og óáreiðanlegri. Tungumálið hefur áhrif á hvernig fólk hugsar og skilur veruleikann. Ný hugtök og orð má líta á sem hluta af stærri hugmyndafræðilegri breytingu sem dregur úr siðmenningu okkar á Vesturlöndum eins og dæmin sanna meðal annars í Írlandi og Bretlandi.
Í lok þáttarins var fjallað um alvarlegt mál þar sem ungum stúlkum var stefnt í hættu og það notað sem dæmi í umræðunni um öryggi, ábyrgð og viðbrögð yfirvalda. Þar kalla þátttakendur eftir skýrari aðgerðum og meiri umræðu um slík mál. Kölluðu bjórkastsmenn eftir íslenskum karlmönnum til að stöðva slík ofbeldi gagnvart stúlkubörnum.
Þátturinn endaði síða með almennri hvatningu til hlustenda um að kynna sér málin sjálfir, mynda sér eigin skoðanir og taka virkan þátt í umræðunni.
Smelltu á spilarann hér að neðan til að horfa á þáttinn: