Noregur hyggst innleiða 16 ára aldurstakmark fyrir samfélagsmiðla. Gert er ráð fyrir að frumvarp verði lagt fram á þessu ári og að reglurnar geti tekið gildi árið 2027.
Norska ríkisstjórnin vill banna börnum yngri en 16 ára að nota vettvanga á borð við Instagram, TikTok og Snapchat. Markmiðið er að vernda ungt fólk gegn skaðlegum áhrifum á netinu.
„Þetta hef ég haft í huga frá fyrsta degi sem forsætisráðherra“ segir Jonas Gahr Støre við NTB.
Tillagan er meðal annars rökstudd með því að ungmenni verði háð samfélagsmiðlunum og hættunni á að börn verði fyrir „grooming“ – lokkuð til kynferðislegrar misnotkunar eða verði ráðin til glæpasamtaka.
„Það er óraunhæft að búast við að heili barns geti staðist þróun sem bestu „tölvuheilar“ heims standa að baki“ segir Støre.
Ástralía innleiddi nýlega svipað aldurstakmark og varð þar með fyrst í heiminum til að grípa til slíkra aðgerða.