Varnarmálaráðherra Svíþjóðar, Pål Jonson, varar við því að friður í Úkraínu gæti þýtt að varnarleysi Svíþjóðar aukist, að því er SVT greinir frá.
Varnarmálaráðherra Svíþjóðar, Pål Jonson, varar við „að friður í Úkraínu gæti þýtt verra öryggisástand fyrir Svíþjóð og nágrenni okkar.“
Að sögn Jonsons gæti þetta leitt til þess að Rússland flytji hergögn og herlið í átt að Eystrasaltssvæðinu. Í dag hefur Rússland fastan her í Úkraínu.
Jonson fullyrðir að til þess að friðarsamningur verði góður fyrir Úkraínu, þá verði samningurinn að vera gerður á forsendum Úkraínu en ekki Rússlands. En þótt friðarsamningur verði gerður á milli Rússlands og Úkraínu, þá þýðir það ekki að hættan sé liðin hjá.
Pål Jonson segir við SVT:
„Nei, ég er ekki vongóður um það, en spennan sem ríkir milli Rússlands og Vesturlanda mun vara lengi og við verðum að búa okkur undir það. Rússland er það sem það er og allt bendir til þess að það verði mjög erfiður nágranni um langa framtíð.“