Sigfús Aðalsteinsson leiðréttir í færslu á facebook „misskilning eða mýtu“ um fjölda múslíma á Íslandi, þar fullyrt er að þeir séu 1600 manns. Sigfús skrifar:
„ÞAÐ ER RANGT, þeir eru vel yfir 4.000. Ég tók saman fjölda þeirra sem eru hér á Íslandi, flestir hælisleitendur frá nokkrum löndum þar sem Islam ræður ríkjum. Inn í þetta vantar fjöldann allan af löndum þar sem Islam er við lýði en ekki í meirihluta.
Ef þið skoðið löndin sem eru í töflunni og berið saman við þjóðerni þeirra sem eru að rústa Evrópu þarf ekki miklar gáfur til að átta sig á að þetta kraumar undir hér sem annars staðar. Tökum hendur frá andlitinu og gerum eitthvað í þessu.“
Ýmsir tjá sig í athugasemdum og segjast ekki hafa haft hugmynd um þessar staðreyndir. Aðrir koma með upplýsingar til viðbótar sem hækka tölurnar enn frekar frá 4.830. Þannig skrifar Konrad Palmason:
„Þakka þér Sigfús að vekja máls á þessu málefni. Ég hef verið að skoða þetta og nota aðferðafræði sem danir notuðu til að áætla fjölda múslima í Danaveldi. Samkvæmt Hagstofunni sem heldur utanum mannfjölda eftir trú og lífsskoðunarfélögum. Þar er fjöldi einstaklinga í Stofnun múslima á Íslandi 1. Janúar 2026 samtals 870 þar erum við að tala um SHIA sem höfðu fjölgað um 599 frá 1.Janúar 2020. SÚNNÍ múslímar eru á sama tíma 569 og höfðu fækkað um 32 frá 1.Jan 2020. SHÍA múslimar birta á vef sínum grein sem segir okkur að Stofnun múslima á íslandi sé það lífsskoðunarfélag á Íslandi sem hefur vaxið hvað mest á siðastliðnum 6 árum. Þetta gerir félagsbundna múslima á Íslandi samtals 1439. Auðvitað eru ekki allir múslímar félagsbundnir eða skráðir í þessi lífsskoðunarfélög. Þá tek ég upp aðferðafræði dana, þeirra skoðun er að aðeins 20% múslíma skrái sig í lífsskoðunarfélög og samkvæmt því ætti fjöldi múslíma á Íslandi að vera samtals 7100.”
Svandís Jóna Georgsdóttir skrifar:
„Mér finnst mjög mikilvægt að við ræðum innflytjendamál og þá miklu fjölgun sem hefur orðið á Íslandi á hlutlægan og yfirvegaðan hátt, en við verðum að byggja þá umræðu á réttum gögnum og gera greinarmun á fólki. Það er grundvallarmunur á því að vera á móti íslamisma (sem er öfgafull pólitísk hugmyndafræði) og því að alhæfa um alla sem koma frá ákveðnum löndum eða deila ákveðinni trú. Og áður en einhver stekkur á mig og ætlar að kenna mér eitthvað um íslam eða múslima, þá þarf þess ekki – ég er líklega með mun meiri reynslu og þekkingu á þeim málum en margir gera sér grein fyrir.
Til þess að hafa tölurnar alveg réttar, þá tók ég mér það bessaleyfi að búa til nýtt yfirlit byggt á nýjustu tölum Þjóðskrár yfir öll þau lönd á listanum þar sem múslimar eru í raunverulegum meirihluta (eða mjög stór hluti eins og í Nígeríu, Líbanon og Erítreu). Í upprunalega póstinum vantaði til dæmis evrópsk ríki eins og Albaníu, Kósovó og Bosníu, þar sem menningin og bakgrunnurinn er allt annar.
Ef við leggjum saman alla einstaklinga á þessum lista, þá er heildarfjöldinn 5.674 manns.
Ég er sjálf mjög mikið á móti fjöldainnflutningi til Íslands, en ég get persónulega ekki tekið þátt í umræðu sem litar alla einstaklinga frá einum trúarhóp sjálfkrafa sem ógn. Fyrir mér fjallar þetta um fjöldann og þau gríðarlegu áhrif sem svona ör fjölgun hefur á OKKUR, menninguna okkar, tungumál, allt! Og mér er nákvæmlega sama hvaðan manneskjan er eða hverrar trúar hún er. Hins vegar er það skýr krafa að fólk sýni landi okkar og þjóð virðingu, og þeir sem sýna okkur vanvirðingu eiga ekkert erindi í okkar land. Asni er asni sama hvaðan hann er.
Ræðum þetta á mannamáli og út frá staðreyndum.”
Svandís birtir eftirfarandi töflu máli sínu til stuðnings:
Það er hið besta mál að upplýsingar safnist saman svo hægt sé að fá mynd af raunveruleikanum. Umræðan heldur áfram.
