Leiðtogar Evrópu hafa notað „misheppnað módel“ til að stjórna löndum sínum, sagði Donald Trump Bandaríkjaforseti í Davos á miðvikudag.
Donald Trump Bandaríkjaforseti hefur nýlokið ræðu sinni á Alþjóðaefnahagsráðstefnunni.
Hann talaði um hversu miklu betri Bandaríkin og hagkerfi þeirra hefðu orðið á síðasta ári síðan hann varð endurkjörinn forseti. Bandaríkin voru dauð undir Demókrötum, sagði hann, en nú eru þau „heitust“ í heimi.
Samkvæmt Trump geta önnur lönd alveg náð sama árangri með því að fylgja fordæmi Bandaríkjanna. En Evrópa er óþekkjanleg sagði forsetinn.
„Vegna þess að sumir staðir í Evrópu eru ekki þekkjanlegir lengur. Og ekki á jákvæðan hátt, heldur á mjög neikvæðan hátt. Ég elska Evrópu og ég vil að Evrópa nái árangri. En hún er ekki að fara í rétta átt. Evrópskir stjórnmálamenn hafa valið mjög heimskulega leið fyrir Evrópu, eins og með loftslagssvikum og miklum innflytjendum.“
Hann sagði einnig að Bandaríkin væru leiðandi í gervigreind og gaf vindmyllubransanum á baukinn:
„Því meiri vindorku sem land hefur, þeim mun meiri peningum tapar það og þeim mun verr gengur fyrir landinu.“
Samkvæmt Donald Trump verður Evrópa að komast út úr þeirri menningu sem hún hefur skapað. Vegna þess að hann vill sterka bandamenn, ekki mjög veika.
„Við viljum sterka Evrópu.“
Trump segir að einungis Bandaríkin geti tryggt öryggi Grænlands. Og hann vill sjá tafarlausar samningaviðræður svo Bandaríkin geti tekið yfir landið. Hann segir Grænland mikilvægt fyrir varnir Bandaríkjanna sem munu byggja loftvarnarskjöld yfir Grænlandi, Kanada ásamt Bandaríkjunum til að verjast nútímalegum stórhættulegum vopnum sem hægt er að senda á milli heimsálfa.
Hér að neðan má sjá heildarræðu Trumps í Davos: