Tommy Robinson hefur verið sýknaður af ákæru um að hafa brotið bresk hryðjuverkalög, að því er Sky News greinir frá. Dómarinn úrskurðaði að lögreglan hefði gefið sig á hann vegna stjórnmálaskoðana hans. Þetta er skýr og öflugur dómur sem dregur rauða línu gegn pólitískum ofsóknum.
Var stöðvaður á landamærunum og neitaði að gefa aðgangskóða að símanum
Í júlí 2024 var breski aðgerðasinninn Tommy Robinson stöðvaður við landamæraeftirlitið í Folkestone, á leiðinni til Spánar. Hann var á ferð í Bentley og hafði meðferðis yfir 13.000 pund og 1.900 evrur í reiðufé. Lögreglan krafðist þess að hann gæfi upp aðgangslykilinn að bílasímanum samkvæmt viðauka 7 í bresku hryðjuverkalögunum en þau lög heimila handahófskenndar athuganir án gruns um glæp.
Robinson neitaði og svaraði:
„Engin möguleiki á því bróðir. Síminn inniheldur viðkvæmt blaðamannsefni. Það er mitt starf, ég er blaðamaður.“
Dómarinn: „Ég get ekki sakfellt þig“
Í réttarhöldunum, sem fóru fram í héraðsdómstólnum í Westminster, gagnrýndi Sam Goozee dómari lögregluna harðlega fyrir framkomu sína:
„Ég get ekki litið fram hjá því að í raun og veru var það sem þú stendur fyrir og stjórnmálaskoðanir þínar sem voru hin afgerandi ástæða fyrir því að lögreglan stöðvaði þig. Ég get ekki sakfellt þig.“
Dómurinn er ekki bara sýknudómur – hann er viðurkenning á því að Robinson hafi verið mismunað vegna skoðana sinna. Áhorfendur í réttarsalnum fögnuðu ákaft þegar sýknudómurinn var tilkynntur.
Elon Musk borgaði fyrir varnirnar
Eftir tilkynninguna þakkaði Robinson Elon Musk opinberlega á X:
„Takk @elonmusk fyrir að berjast fyrir mig, þú ert lifandi goðsögn.“
Sagt er að Musk hafi borgað fyrir stóran hluta málskostnaðarins í máli sem margir líta á sem ofsóknir ríkisins.
Vendipunktur í baráttunni fyrir réttindum
Málið vekur upp alvarlegar spurningar um hvernig hryðjuverkalöggjöfin er notuð gegn stjórnmálaandstæðingum. Viðauki 7 veitir lögreglunni rétt til að handtaka og yfirheyra fólk án raunverulegs gruns sem núna er harðlega gagnrýnt að fái staðist.
Margir líta á dóminn sem yfirlýsingu fyrir tjáningarfrelsið, réttaröryggið og störf blaðamanna í Bretlandi. Dómurinn setur skýr mörk fyrir því, hversu langt ríkið getur gengið í eftirliti með pólitískum andstæðingum.