Þúsundir manna fylltu götur Parísar í öflugum mótmælum gegn ESB og Nató. Með hrópum á borð við „Frexit núna!“ kröfðust mótmælendur þess að hernaðarþátttöku Frakklands yrði hætt og þjóðin fengi sjálfsákvörðunarrétt sinntil baka. Núna eru næstu skref hinnar vaxandi friðar- og frelsishreyfingu skipulögð.
Á laugardag söfnuðust þúsundir manna saman á Place de Barcelone í París til að taka þátt í La Grande Marche Nationale pour la Paix eða „Þjóðargöngunni miklu fyrir friði.“ Mótmælin voru skipulögð af flokki föðurlandsvina Les Patriotes og þess krafist að Frakkland yfirgefi ESB og Nató. Mótmælendur vilja að landið hætti hernaðarþátttöku í Úkraínu.
Síðdegis á laugardag fylltust göturnar í kringum Place de Barcelone og báru þátttakendur franska fánann og borða og sungu. Gangan hófst klukkan 15:00 og farið var gegnum miðbæ Parísar. Margir þátttakendur lýsa mótmælunum sem tækifæri til að berjast fyrir friði og rétti Frakka til að ráða sinni eigin framtíð.
Kröfur um frið og sjálfsákvörðunarrétt Frakklands
Helsta krafa skipuleggjenda er FREXIT, að Frakkland yfirgæfi bæði ESB og Nató. Mótmælendur hrópuðu meðal annars:
„Nei, herra Macron, börnin okkar fara ekki í stríð í Úkraínu.“
Í ræðum var lögð áhersla á að ekki væri hægt að ná friði með því að senda franska hermenn í alþjóðleg átök. Í staðinn var krafist að Frakkland endurheimti fullveldið og nái aftur stjórn á utanríkis- og varnarmálastefnunni.
Stuðningur við bændur og bændamótmælin
Mótmælin voru einnig tækifæri til að vekja athygli á kröfum bænda og eigenda lítilla fyrirtækja. Margir báru skilti til stuðnings landbúnaði og lýstu áhyggjum sínum af landbúnaðarstefnu ESB. Fulltrúar bænda voru með og tengdu baráttu bænda við þjóðlegt sjálfstæði.
Mótmælin 13. desember marka upphafið að áframhaldandi mótmælum í herferðinni fyrir FREXIT sem eflaust mun hafa áhrif á stjórnmálaumræðurnar í Frakklandi vegna komandi kosninga á næsta ári. Bændasamtökin sem tóku þátt í mótmælunum eru einnig að skipuleggja áframhaldandi mótmæli til að þrýsta á stjórnvöld að afturkalla hluta af landbúnaðarreglugerðum ESB.
Næstu stóra mótmæli eru fyrirhuguð vorið 2026, þar sem safna á saman enn fleiri þátttakendum víðsvegar að úr landinu fyrir kröfur um frið, fullveldi og þjóðarstjórn.
Hefðbundnir fjölmiðlar hafi verið sparsamir í fréttum af mótmælunum en myndskeið hafa farið víða á samfélagsmiðlum. Myndbönd sem sýna þegar bændur sprauta illa lyktandi skarna og kúaskít á opinberar byggingar sjást víða.