Ný skýrsla slær því föstu að óbreyttir borgarar voru kerfisbundið myrtir, teknir í gíslingu og beittir alvarlegu ofbeldi í árásum Hamas á Ísrael 7. október 2023.
Ítarleg skýrsla frá Amnesty International (sjá pdf að neðan) lýsir því hvernig Hamas og aðrir vopnaðir palestínskir hópar frömdu stríðsglæpi gegn óbreyttum borgurum í suðurhluta Ísraels með morðum, mannránum, pyntingum og kynferðisofbeldi í tengslum við árásirnar 7. október 2023. Samtökin meta að stór hluti árásarinnar séu bæði stríðsglæpir og glæpir gegn mannkyni og að það hafi fyrst og fremst verið palestínskir vígamenn sem drápu langflest fórnarlömbin úr röðum almennings.
Amnesty skrifar í inngangi skýrslunnar að meira en 800 af þeim um það bil 1.200 manns sem drepnir voru þann dag hafi verið óbreyttir borgarar, þar á meðal að minnsta kosti 36 börn. Árásarhóparnir – sem voru undir stjórn hryðjuverkasveita Hamas, Al-Qassam hersveitanna, – framkvæmdu kerfisbundnar og handahófskenndar árásir á íbúðarhverfi, tónlistarhátíð og flóttaleiðir almennings.
Notuð sem mannlegir skildir
Skjalfest er hvernig vopnaðir menn skutu inn í hús, skjól og á fólk á flótta, oft í návígi. Í þorpinu Be’eri voru 101 óbreyttir borgarar myrtir – þar á meðal níu mánaða gamalt ungbarn Mila Cohen sem var drepin í örmum móður sinnar.
Amnesty lýsir vitnisburði og myndbandsupptökum sem sýna hvernig árásarmenn notuðu óbreytta borgara sem mannlega skildi og hvernig bæði aldraðir og börn voru skotin eða brennd inni þar sem þau höfðu leitað skjóls. Á Nova hátíðinni, þar sem 378 manns voru myrt sést hvernig fólk var elt inn í skóginn, ofan í skurði og sprengjuskýli samtímis og hryðjuverkaamennirnir settu upp vegatálma til að stöðva fólkið.
Stórfelld gíslataka
Alls var 251 manns rænt til Gaza, flestir voru óbreyttir borgarar – þar á meðal smábörn og fólk yfir 80 ára. Hamas hefur opinberlega neitað því að hafa vísvitandi tekið óbreytta borgara í gíslingu, en Amnesty bendir á að það sé til „yfirþyrmandi magn sönnunargagna“ sem stangast á við þessar fullyrðingar.
Í skýrslunni er lýst hvernig fólki var dregið út úr skjólum, oft í áfalli eða alvarlega sært. Eitt af þeim málum sem hefur vakið mesta athygli varðar 22 ára Hersh Goldberg-Polin, sem var handtekinn eftir að hafa misst handlegg í sprengingu.
Myndband sýnir hvernig vopnaðir menn setja og aðra á pallbíl, þar sem einn maður var dreginn á hárinu og laminn áður en honum var rænt. Að minnsta kosti 48 gíslanna létust í Gaza og samkvæmt Amnesty, voru þeir myrtir af fangavörðunum.
Líkamleg, sálfræðileg og kynferðisleg pynding
Skýrslan skjalfestar hvernig óbreyttir borgarar og hermenn sem voru handteknir 7. október voru beittir alvarlegu ofbeldi bæði í Ísrael og síðar í Gaza. Margir voru pyndaðir fyrir framan börn sín og niðurlægðir.
Amnesty segir frá kynferðislegu ofbeldi, bæði á meðan árásunum stóð og gagnvart gíslunum. Einn maður vitnaði um hvernig honum var hópnauðgað á Nova hátíðinni. Ísraelsk kona, Ilana Gritzewsky, vitnaði um líkamlegt og kynferðislegt ofbeldi, þegar hún var flutt til Gaza. Önnur kona – Amit Soussana – greindi frá því hvernig miðað var á hana með byssu og hún neydd til kynferðislegra athafna í fangelsinu.
Amnesty segir að þessar aðgerðir flokkist undir pyntingar og í mörgum tilfellum einnig sem glæpir gegn mannkyni vegna víðtækrar og kerfisbundinnar árásar á almenning.
Á upphafi árásarinnar skutu hryðjuverkamennirnir á milli 3.000 – 5.000 eldflaugum og handsprengjum. Amnesty flokkar þetta sem handahófskenndar árásir, sem eru bannaðar samkvæmt alþjóðlegum mannúðarlögum.
Stríðsglæpir og glæpir gegn mannkyni
Eftir að hafa greint hundruð myndbanda, viðtöl og vitnisburði komst Amnesty að þeirri niðurstöðu að Hamas og aðrir vopnaðir palestínskir hópar bæru ábyrgð á mestum hluta drápanna sem uppfylltu lagaleg skilyrði sem:
- Morð og þjóðarmorð
- Pyntingar og grimmilega meðhöndlun
- Gíslatökur
- Mannrán
- Alvarlegt kynferðisofbeldi
- Beinar árásir á almenning
Samtökin benda á að árásin hafi verið bæði víðtæk og kerfisbundin og er því flokkuð sem glæpur gegn mannkyni.
Ábyrgð og rannsóknir
Amnesty gerir skýrar kröfur til Hamas, annarra vopnaðra hópa og palestínsku stjórnarinnar um að viðurkenna árásina, skila líkum og gera sjálfstæða lagalega meðferð mögulega. Samtökin gagnrýna einnig meðhöndlun sönnunargagna hjá ísraelskum yfirvöldum, sem hefur leitt til skorts á upplýsingum til aðstandenda um hvernig ástvinir þeirra voru drepnir.
Skýrsla Amnesty er á ensku hér að neðan: