Gífurlegar upphæðir eru í pottinum fyrir svo kölluð flöskuhálsgjöld í sænska raforkukerfinu. Gjöldin myndast, þegar raforkuverð er mismunandi milli tveggja raforkusvæða. Nún seilist ESB í þennan sjóð sem alfarið myndast í Svíþjóð og tilheyrir sænska raforkukerfinu. Ríkisstjórn Svíþjóðar neitar réttilega að gefa peningana til ESB. Svíþjóð þarf núna að heyja baráttu fyrir dómstóli ESB að mati Svíþjóðardemókrata.
Eins og staðan er í dag eru um 85 milljarðar sænskra króna í flöskuhálspotti sænska landsnetskerfisins sem eiga að nýtast til að styrkja raforkuinnviði Svíþjóðar og viðbúnað vegna áfalla. Framkvæmdastjórn ESB vill taka 25% af upphæðinni og endurdreifa til orkverkefna í öðrum aðildarríkjum.
Þar sem Svíþjóð er það ESB-land sem safnar mestum flöskuhálstekjum, þá myndi það þýða að sænskir skattgreiðendur yrðu neyddir til að bera óhóflega stóran hluta af fjármögnuninni.
SD-tvíeykið Jimmie Åkesson og Charlie Weimers vara í grein við því að þetta sé enn eitt dæmi um hættulega þróun þar sem ESB leggur hald á eignir sænsku þjóðarinnar til að laga efnahag annarra landa.
Ef Brussel fær að ráða því hvernig nota skuli staðbundin gjöld Svíþjóðar mun það veikja þjóðlegt fullveldi enn frekar. Það er óeðlilegt að lönd sem hafa ekki fjárfest í eigin innviðum verði núna umbunuð á kostnað sænskra neytenda og fyrirtækja sem þegar glíma við háan kostnað.
Svíþjóðardemókratar styðja harða samningaafstöðu sænsku ríkisstjórnarinnar en leggja jafnframt áherslu á að ekki sé hægt að treysta á að Brussel umbuni Svíþjóð fyrir margra ára trygga þjónustu.
Yfirþjóðleg skattlagning
Sjá má skýra þróun, þar sem ESB færist sífellt fram á við og leitar nýrra leiða til að innleiða yfirþjóðlega skattlagningu. Þetta skuggaspil lagaklækja verður að draga fram í dagsljósið og berjast gegn af festu, leggja þeir Jimmie Åkesson og Charlie Weimers áherslu á, og til að stöðva þetta telja þeir að Svíþjóð verði að vera tilbúin til að beita öllum pólitískum og lagalegum úrræðum.
Svíþjóðardemókratar telja að ríkisstjórnin eigi án tafar að undirbúa sig fyrir að höfða ógildingarmál fyrir dómstóli ESB. Samkvæmt skilgreiningu dómstóls ESB er skattur lagaleg skylda til að greiða ákveðna fjárhæð í þeim tilgangi að fjármagna markmið í almannaþágu. Lagafrumvarpið sem er til samninga uppfyllir þessa skilgreiningu. Flöskuhálsgjaldið er dulinn skattur og ef það verður samþykkt myndi ákvörðunin skapa fordæmi með víðtækum afleiðingum.
Að lokum skrifa Åkesson og Weimers að mögulegt sé að fá flöskuhálsgjaldið ógilt fyrir dómstóli ESB og undirstrika að baráttan snúist að lokum um að vernda þá grundvallarreglu að skattlagningarvaldið eigi að hvíla á lýðræðislegu eftirliti.