Keir Starmer er sakaður um að hafa látið grunaða kynferðisbrotamenn gegn börnum komast undan með viðvörunarbréfi í stað þess að vera ákærðir. Núna reynir ríkisstjórn hans að eyða gagnagrunni fyrirtækisins sem kortlagði þau mál sem tengjast kynferðisbrotum gegn börnum í smáatriðum og gerði aðgengilegt fyrir rannsakendur á Internet. Spurningin sem brennur á allra vörum er, hvað það er sem verið er að reyna að sópa undir teppið með því að láta eyða gagnagrunninum?
Keir Starmer, forsætisráðherra Bretlands, er sakaður um að hafa látið senda út bréf með aðvörun til grunaðra kynferðisbrotamanna gegn börnum á meðan hann var yfirmaður saksóknaraembættis bresku krúnunnar. Núna hefur ríkisstjórn hans reynt að eyða stafrænum gagnagrunni fyrirtækisins Courtsdesk sem veitir blaðamönnum, lögfræðingum m.fl. aðgang á Internet að gagnagrunni dómstóla og réttarfarskerfisins. Meðal gagna sem þar finnast eru upplýsingar um meðhöndlun réttarfarskerfisins á málum pakistanskra nauðgara og barnaníðingshópa sem beittu unga hvítar breskar stúlkur ofbeldi.
Spurningin í bresku umræðunni núna er hvort eyðing gagnagrunnsins myndi útrýma gögnum sem varpa ljósi á ákvarðanir Starmers sjálfs?
Starmer „skrifaði og samþykkti“ viðvaranir
Samkvæmt GB News grundvallast ásakanirnar á gögnum frá þeim tíma sem Starmer var yfirmaður saksóknaraembættis bresku krúnunnar. Þar er því lýst, hvernig hann ásamt lögreglustjórnum, kom að skrifum og samþykktum aðvarana sem voru sendar út til grunaðra barnaníðinga.
Send voru út aðvörun um barnaníð í bréfi sem var dreift til fullorðinna karlmanna sem talið var að hefðu eða gætu gerst sekir um barnaníð. Bréfin höfðu engar beinar lagalegar afleiðingar en hægt að nota þau síðar í málaferlum.
GB News greinir frá því að forsætisráðherrann sé sakaður um að hafa látið grunaða barnaníðinga komast undan með aðvörun, þegar hann stjórnaði saksóknaraembættinu.
Mál sem hefðu átt að leiða til saksóknar
Maggie Oliver, fyrrverandi lögreglukona, er þekkt fyrir að hafa afhjúpað pakistanska hópa sem stunduðu barnaníðsafbrot í bænum Rochdale. Hún lýsir Asbo kerfinu – Anti-Social Behaviour Order, (sem má þýða sem „fyrirmæli um félagslega hegðun“) á eftirfarandi hátt:
„Ég vann að máli þar sem við höfðum borið kennsl á 97 barnaníðinga og rannsóknin hefði átt að leiða til alvarlegra ákæra um fjöldabarnaníð. Ég bjóst við mörgum nauðgunarákærum hugsanlega gegn tugum karla en í staðinn sendu þeir út aðvörun um barnaníð.“
Hún bætti við:
„Mín skoðun er sú að bréfin voru send til að losna við störf.“
Samkvæmt fréttum voru að minnsta kosti 13.000 slíkar aðvaranir gefnar út á árunum 2008 – 2025.
Courtsdesk – gagnabanki um nauðganir og barnaníð
Þegar upplýsingar um viðvörunarbréfin bárust, þá reyndi ríkisstjórn Starmers að eyða gagnagrunni Courtsdesk. Meðal annars eru fimm ára gömul gögn frá héraðsdómstólum sem notuð hafa verið til að greina mynstur í málum sem tengjast nauðgunum og barnaníði.
Gagnagrunnurinn innihélt upplýsingar um tugþúsundir mála og gerði blaðamönnum kleift að sjá hvernig ákveðin mál voru kláruð – hvort sem það var með ákæru, málin felld niður eða með öðrum aðgerðum.
Eftir gríðarlega gagnrýni var eyðingu gagnagrunnsins frestað. En meginspurningin stendur enn eftir: ef gagnagrunninum hefði verið eytt, hefði þá verið erfiðara að rannsaka og sjá aðvörunarbréfin ásamt þeim ákvörðunum sem voru teknar undir forystu Starmers?
Varnir stjórnvalda
Forsætisráðuneytið hafnar gagnrýninni. Fulltrúi forsætisráðherrans segir:
„Bréfin komu ekki í stað ákæru. Þess í stað virka þau sem fyrsta varnarlínan til að tryggja öryggi æskunnar og eru oft hluti af áframhaldandi rannsókn.“
Fulltrúinn segir enn fremur:
„Sem yfirmaður ákæruvaldsins tryggði forsætisráðherrann fyrstu kærurnar gegn barnaníðingshópum fyrir meira en áratug síðan og núna gerir ríkisstjórn hans meira en nokkur annar hefur áður gert til að útrýma þessum hræðilega glæp.“
Tveir staðreyndir eru núna samtímis á borðinu: gögn sem sýna að aðvörunarbréf voru notuð í stað ákæru í ákveðnum málum, og svo tilraun ríkisstjórnarinnar til að eyða gögnum sem skjalfesta hvernig réttarfarskerfið meðhöndlaði kynferðisafbrot og barnaníð fyrir dómstólum.
Fórnarlömbin og aðstandendur þeirra ásamt almenningi í Bretlandi vilja fá svör við því, hvaða upplýsingar finnast í gagnagrunninum sem Keir Starmer reynir að fela.