Stjórnmálaátökin yfir Atlantshafið gerast harðari, eftir að bandarísk stjórnvöld hafa uppljóstrað um útbreidd, kerfisbundin kosningaafskipti miðstjórnar ESB í Brussel. Forsetakosningarnar í Rúmeníu, þar sem sigur Călin Georgescu var ógiltur eru í brennidepli þeirrar umræðu sem á sér stað um fullveldi þjóða, alþjóðlega ritskoðun og framtíð lýðræðisins í Evrópu.
Fulltrúadeild Bandaríkjanna undirbýr yfirheyrslur yfir Anthony Blinken, fv. utanríkisráðherra og einn af aðalleikurum Úkraínustríðsins, vegna ásakana um tengsl við ritskoðun og kosningaíhlutun. Rannsóknarmenn Bandaríkjaþings einbeita sér að sögn að Rúmeníu sem prófstein fyrir því, hvernig stofnanir ESB og glóbalískar ríkisstjórnir eyðileggja lýðræðisleg stjórnmálalúrslit sem hið spillta og rótgróna vald í Brussel telur „óásættanleg.“
Rannsókn Trump-stjórnarinnar beinist að ókjörnu embættismannakerfi framkvæmdastjórnar Evrópusambandsins og framkvæmdavaldi ESB sem er undir litlu sem engu eftirliti eða ábyrgð. Bandamenn Trumps segja að deilan snúist ekki um þjóðir heldur um yfirþjóðlegt embættismannakerfi sem hefur í auknum mæli byggt völd sín með lagaþvingunum í stað lýðræðislegra kosninga.
Rússagrýlan notuð en engar sannanir liggja fyrir
Ógilding forsetakosninganna í Rúmeníu er kjarni deilunnar. Önnur umferð forsetakosninganna, sem fylgdi í kjölfar sigurs Georgescu í fyrstu umferð, var þegar hafin, þegar yfirvöld í Rúmeníu ógiltu skyndilega ferlið og vísuðu til ásakana um „erlend afskipti“ sem enn í dag hafa ekki verið staðfest með opinberlega birtum sönnunargögnum.
ESB ásamt undirgefnum stjórnvöldum í Búkarest voru fljót að kenna Rússum um afskiptin en bráðabirgðaskýrsla frá dómsmálanefnd bandaríska fulltrúadeildarinnar véfengir þá frásögn. Skýrslan styðst við upplýsingaöflun frá opnum hugbúnaði og upplýsingagjöf á Internet og kemst að þeirri niðurstöðu að enginn sjáanlegur erlendur aðili sé viðriðinn málið sem réttlæti þá óvenjulegu ákvörðun að aflýsa kosningunum.
ESB sinnuð yfirvöld Rúmeníu hafa enn ekki aflétt trúnaði þjóðaröryggisfundar sem leiddi til ógildingar kosninganna. Þessi augljóslega vísvitandi þöggun hefur kynt undir grunsemdir um að ákvörðunin um að ógilda atkvæðagreiðslu rúmensku þjóðarinnar hafi verið af stjórnmálalegum toga frekar en að tengjast öryggismálum.
Biden stjórnin ásökuð um að kynda undir stjórnlagabrot
Fyrrverandi sendiherra Bandaríkjanna í Rúmeníu, Kathleen Kavalec, verður kölluð til yfirheyrslu en hún er talin hafa átt þátt í ákvörðun yfirvalda í Rúmeníu að ógilda kosningarnar. Frásögn hennar af atburðunum sem áttu sér stað gæti varpað ljósi á hvort Biden stjórnin hafi notað diplómatískar leiðir til að leggja blessun sína á eða auðveldað stjórnarskrárbrot með ólýðræðislegum fyrirmælum.
Fyrrverandi forseti Rúmeníu, Klaus Iohannis, er núna undir mikilli rannsókn. Ásakanir um að háttsettir bandarískir embættismenn hafi hvatt rúmensk yfirvöld til að halda áfram með lagalega vafasamar aðgerðir verða væntanlega áberandi í komandi yfirheyrslum.
Hneykslið sem vindur upp á sig hefur djúpstæð pólitísk áhrif í Bandaríkjunum núna þegar þingkosningarnar nálgast. Endurvakin rannsókn á afskiptum af kosningum handan Atlantshafs ógnar trúverðugleika Demókrataflokksins samtímis og kosið verður til Bandaríkjaþings.
Eins og við var búist hafa viðbrögð ESB einkennst af vörnum og sífellt meiri hótunum. Emmanuel Macron, forseti Frakklands, varaði leiðtoga ESB opinberlega við því að þeir þyrftu að undirbúa sig fyrir átök við Bandaríkin. Hann ásakar Trump Bandaríkjaforseta um að reyna að brjóta niður miðstýrt valdakerfi sambandsins.
Innan ESB er valdníðsla framkvæmdastjórnarinnar gagnrýnd meðal annars vegna refsiaðgerða gagnvart þeim sem gagnrýna sambandið. Ungverjaland berst gegn harðstjórninni í Brussel og ólýðræðislegum afskiptum hennar af innanríkismálum. Ríkisstjórn Viktors Orbáns forsætisráðherra, sem lengi hefur verið á skjön við glóbalistaelítu og miðstjórn ESB, hefur stutt viðleitni til að afhjúpa kerfisbundnar árásir á fullveldi þjóðarinnar.
Rannsóknarstofnun komið á fót til að rannsaka meint lýðræðisbrot ESB
Í þessari viku tilkynnti MCC Brussels nýja Rannsóknarstofnun um inngrip í lýðræðið – Observatory for Interference in Democracy sem ætlað er að rannsaka, hvernig kosningar í aðildarríkjum Evrópusambandsins ESB mótast í auknum mæli af þrýstingi þvingandi laga, áróðri NGO samtaka (Non Governmental Organisation) og stafrænu stjórnunarkerfi. Ógilding kosninganna í Rúmeníu verður fyrsta stóra verkefnið.
Stofnunin hefur þegar rekist á vegg, því framkvæmdastjórnin hefur neitað að láta gögn af hendi varðandi stafræn þjónustulög ESB, Digital Service Act, DSA. Segja rannsakendur MCC að þessi neitun endurspegli víðtækt mynstur þar sem andófsraddir eru bældar niður undir merkjum „lýðræðislegrar verndar.” Gagnrýnendur telja að rúmenska fyrirmyndin sé notuð í kosningum annarra landa til dæmis í Ungverjalandi. Stuðningsmenn Orbáns og Călin Georgescu, segja að um heildarstefnu ESB sé að ræða sem geri fullveldissinnaða leiðtoga að skotmarki og neitunarvaldi beitt gegn lýðræðinu að ofan.
(Byggt á grein í The Gateway Pundit)