Hvernig á almenningur á Íslandi að standast áróður ESB? Ekkert er á boðstólum ríkisstjórnarinnar nema vanhugsað já. Þá fer allt sem forfeður okkar hafa barist fyrir á þessu landi forgörðum. Sjálfstæðisbaráttan gegn Dönum ónýt, baráttan fyrir útfærslu landhelginnar ónýt og skorið á tengsl þess eina bandamanns sem hefur stutt við bakið á okkur í flestum málum: Bandaríkin.
Forsætisráðherrann er svo valda- og athyglissjúk að hún vill ekkert annað gera en spegla sig í leifturljósum ljósmyndara glóbalismans og lætur nota sig til að pumpa út áróðri gegn Bandaríkjunum. Hvílík skömm fyrir þjóðina.
Hvernig komst Ísland allt í einu inn í Úkraínustríðið? Hvar var umræðan að undangenginni ákvörðun um að setja stríðsrekstur Úkraínu í fjárlög Íslendinga?
Kosningarnar 29. ágúst eru samkvæmt yfirtökuáætlun ESB á Íslandi. Á meðan fólk í stjórnmálum er upptekið af sveitarstjórnarkosningum, þá fer tíminn í þær. Síðan kemur sumarfrí og þá á að kjósa um inngöngu Íslands í ESB. Ef Íslendingar segja já, þá verða engar fleiri kosningar. Ríkisstjórnin flýtir sér að verða viðurkenndur aðili og ráðherraráð ESB samþykkir Ísland sem aðila. Síðan verður málið keyrt með kjarnorkuákvæði gegnum Alþingi og hlaupið út á Bessastaði til að fá undirskrift. Samtímis verður stjórnarskránni breytt og Íslendingar sitja uppi með að búið er að taka af þeim sjálfsákvörðunarréttinn yfir landinu og öllum auðlindum. Einu kosningarnar eftir já verða alþingiskosningar með breyttri stjórnarskrá. Kjósi fólk svo nýja stjórn sem ekki vill taka við málunum, hvað á sú stjórn þá að gera?
Senda frá sér yfirlýsingu um að hún taki ekki mark á samþykkt fyrra alþingis og undirskrift forseta Íslands?
Eina tryggingin fyrir áframhaldandi sjálfstæðri þjóð sem sjálf ræður örlögum sínum er að kjósa NEI þann 29. ágúst næst komandi.
Megi núverandi ríkisstjórn fara á ruslahaug sögunnar fyrir að reyna stela landinu af þjóðinni.