Sergei Lavrov, utanríkisráðherra Rússlands, segist tilbúinn að hitta Marco Rubio, utanríkisráðherra Bandaríkjanna, og stendur fast við kröfur Rússa til að binda enda á stríðið í Úkraínu.
Lavrov sagði við ríkisfréttastofuna RIA að Rússland bíði eftir skilaboðum frá Washington:
„Við bíðum eftir staðfestingu frá Bandaríkjunum um að Anchorage-samkomulagið sé enn í gildi.”
Að sögn Lavrovs vísar Rússland til samkomulagsins sem Vladimir Putin og Donald Trump eru sagðir hafa gert á fundi sínum í Anchorage í Alaska í sumar.
Kröfurnar eru óbreyttar: Úkraína má ekki ganga í Nató og verður að draga herlið sitt til baka frá Donetsk, Luhansk, Kherson og Zaporizjzja.
„Marco Rubio og ég skiljum mikilvægi reglulegra samskipta” segir Lavrov og bætir við að samskipti milli hans og utanríkisráðherra Bandaríkjanna séu í gangi.
Samkvæmt Reuters ræður Rússland yfir nánast öllu Luhansk, um 80% af Donetsk og 75% af Kherson og Zaporizjzja.
Yfirlýsingin kemur í kjölfar frétta af ágreiningi á milli Lavrovs og Pútíns sem Dmitry Peskov, talsmaður Kremls, vísaði á bug.