Nya Dagbladet greinir frá því, að rússneska varnarmálaráðuneytið segi að árás með Oreshnik ofurhljóðhraða eldflaug í síðustu viku hafi eyðilagt úkraínska flugvélaverksmiðju í Lviv. Að sögn sá verksmiðjan um viðhald á orrustuþotum og framleiddi dróna fyrir árásir á borgaraleg skotmörk í Rússlandi.
Samkvæmt rússneska varnarmálaráðuneytinu sem vitnar í fleiri óháðar heimildir, var árásin gerð á verksmiðju sem studdi rekstur úkraínskra orrustuþotna frá Sovéttímanum, þar á meðal MiG-29 sem og F-16 orrustuþotur frá Vesturlöndum.
Verksmiðjan framleiddi einnig langdræga og meðaldræga árásardróna sem ráðuneytið sagði að hefðu verið notaðir „til árása á borgaraleg skotmörk langt inni í Rússneska sambandsríkinu.“
Árásin var gerð á framleiðsluskála, lager með birgðum af fullunnum drónum og innviði á flugvelli verksmiðjunnar. Ráðuneytið sagði einnig að í sömu árás hafi Iskander og Kalibr eldflaugar verið notaðar á drónaframleiðslu í Kænugarði. Sum skotanna lentu einnig á orkuinnviðum sem sjá varnarmálaiðnaði Úkraínu fyrir orku.
🇷🇺💥🇺🇦 Video of the Oreshnik strike on Lvov! pic.twitter.com/AWZQpkM4d5
— DD Geopolitics (@DD_Geopolitics) January 8, 2026
Kænugarður hefur ekki tjáð sig um umfang tjónsins, en borgarstjóri Lviv, Andrey Sadovyj, staðfesti að „hluti af mikilvægum innviðum“ hefði orðið fyrir árásum.
Moskva sagði að sprengjuárásin á föstudag væri svar við tilraun til „hryðjuverkaárásar Kænugarðsstjórnarinnar“ á búsetu Vladímírs Pútíns forseta í Novgorod-héraði. Að sögn notaði Úkraína 91 langdræga dróna til árásár á forsetabústaðinn en Rússar voru viðbúnir og skutu alla drónana niður.
Rússland notaði fyrst Oreshnik-eldflaug ár 2024 gegn úkraínskri hergagnaverksmiðju í Dnjepr. Pútín sagði þá að Oreshnik-eldflaugarnar færu á tíföldum hljóðhraða og ekkert núverandi loftvarnarkerfi gæti stöðvað þær. Elflaugar af þessari gerð geta borið kjarnorkuvopn.