Myndin sýnir sænska hermenn á leiðinni til Lettlands í Nató-vörnum landsins.
Leyniþjónusta sænska hersins, Must, varar við friði í Úkraínu þar sem hann gæti fræðilega séð verið ógn ef Rússland notar friðinn til vígbúnaðar á Eystrasaltssvæðinu. Kenningin sem allir fylgja er þannig, að með því að halda rússneska hernum uppteknum í stríði í Úkraínu verður komið í veg fyrir árás Rússa á Eystrasaltslönd og Skandinavíu. Nató víkur sér hins vegar undan að ræða „yfirlýsta hótun Bandaríkjanna við Grænland.“
Samkvæmt Must myndi mögulegt vopnahlé eða friður í Úkraínu gefa rússneska hernum tækifæri til endurskipulagningar hersins og flutninga að Eystrarsalti til undirbúnings árása á Eystrasaltslöndin og Skandinavíu. Thomas Nilsson, yfirmaður Must, segir við Aftonbladet:
„Ef einhvers konar vopnahlé kemst á, friður eða hvað sem það er kallað, sem losar um rússneska herinn í Úkraínu, þá teljum við og metum svo að hægt sé að beina honum í okkar átt.“
Samkvæmt leyniþjónustunni er Eystrasaltssvæðið enn forgangsverkefni Rússa.
Samtímis er talið að rússneski hergagnaiðnaðurinn hafi mikla getu til að byggja upp birgðir.
Yfirmaður Nató í Evrópu, Alexus Grynkewich, sér þó enga bráða hernaðarógn gegn yfirráðasvæði bandalagsins. Grynkewich segir við Aftonbladet:
„Nei, ég held ekki að það sé yfirvofandi ógn núna, að hluta til vegna þess að Rússland er svo upptekið í Úkraínu.“
Aftonbladet segir að Grynkewich víki sér undan að svara spurningum um nýja „ógn Bandaríkjanna gagnvart Grænlandi“ og að hann vilji greinilega ekki ræða stjórnmálin.