Tugþúsundir Antifa-aðdáendur og annarra vinstri öfgamanna lömuðu stóra hluta þýsku háskólaborgarinnar Giessen um helgina. Lögreglan greindi frá miklum lokunum, ofbeldisfullum árásum og að minnsta kosti tylft særðra lögreglumanna í tengslum við ungmennaþing Valkosts fyrir Þýskaland, AfD. Ráðist var á einn stjórnmálamann AfD og hann barinn.
Antifa hafði safnað saman vinstri öfgamönnum víðs vegar að úr Þýskalandi til að eyðileggja stofnun ungliðahreyfingar Valkosts fyrir Þýskaland, AfD, í Giessen um helgina. Tugþúsundir vinstri öfgamanna Antifa sköpuðu algjöra ringulreið í stórum hlutum borgarinnar, að sögn Junge Freiheit.
Um 25.000 manns tóku þátt í mótmælunum og allt að 6.000 lögreglumenn voru kallaðir út frá nokkrum lénum í einni stærstu lögregluaðgerð í sögu Hessen.
Snemma á laugardagsmorgni hófu hópar svartklæddra vinstri öfgamanna að loka vegum inn í borgina. Brýr, aðkomuleiðir, þjóðvegurinn B49 og aðrar mikilvægar leiðir voru lokaðar, stundum af þúsund manns í einu.
Lögreglan reyndi í fyrstu að fjarlægja lokanir með skipunum og köllum en skipti yfir í piparúða, kylfur og vatnsbyssur þegar þeim var ekki sinnt.
Vinstri óróaseggirnir köstuðu steinum, flöskum og flugeldum að lögreglunni á mörgum stöðum. Að minnsta kosti tíu lögreglumenn eru sagðir hafa særst og samkvæmt sumum fréttum allt að 15. Lögreglan hefur enn ekki heildarmynd af því hversu margir óróaseggir særðust.
Ofbeldið beindist ekki aðeins að einkennisklæddu fólki. Ráðist var á Julian Schmidt, stjórnmálamann innan AfD og hann særður áður en aðalmótmælin hófust. Ráðist var á blaðamenn frá vikuritinu Junge Freiheit og tímaritinu Tichys Einblick og myndavélabúnaður meðal annars eyðilagður.
Der Mann der Tichys Einblick in Gießen angegriffen hat ist Can Mahsuni aus Gießen. Er rief "Nazis Raus."
— Ziegensson (@JournoZiege) November 29, 2025
Recherche von @SttAdler#RedaktionsnetzwerkRechts pic.twitter.com/JGSgRC7zZJ
Síðdegis á laugardag reyndu hópar ofbeldisseggja ítrekað að sprengja upp lögreglugirðingar að salnum þar sem ungmennaþing AfD var haldið. Í hvert skipti brást lögreglan við með „tafarlausu“ valdi og notaði vatnsbyssur til að halda mannfjöldanum frá svæðinu. Í nærliggjandi bæjum var einnig mikið um skemmdir á bílum.
Alice Weidel, leiðtogi Valkosts fyrir Þýskalands, AfD, gagnrýndi mótmælendur harðlega á ráðstefnunni:
„Það sem er að gerast þarna úti – kæru vinstriaðdáendur, kæru öfgamenn, þið verðið að líta í eigin barm – þetta er eitthvað sem er djúpt ólýðræðislegt.“
Boris Rhein, ráðherra kristilegra demókrata í léninu, bendir einnig á hina ofbeldisfullu vinstrimenn. Hann sagði:
„Notkun ofbeldis og tilraunir til að hindra samkomur með mótmælagöngum geta aldrei verið lýðræðisleg leið.“
Antifa voru nýlega flokkuð sem hryðjuverkasamtök í Bandaríkjunum og þar hefur þýska ofbeldisbylgjan vakið athygli. Richard Grenell, fyrrverandi sendiherra Bandaríkjanna í Berlín á fyrsta kjörtímabili Donalds Trumps, varar við þróuninni á X. Í færslu um þýska vinstrið skrifar hann:
„Hið óþolandi og ofbeldisfulla vinstri er að ná fótfestu í Þýskalandi. Ef þeir fylgja eftir bandaríska vinstrinu, þá munu þeir fremja banvænt ofbeldi og jafnframt missa stuðning meðal almennings og í kosningunum. En þeir munu ekki átta sig á mistökum sínum því þýska vinstrið fær mikinn stuðning frá fjölmiðlum í Þýskalandi. Þeir eru að auki fjármagnaðir af hinu opinbera. Íhaldssömu fjölmiðlarnir eru litlir og varkárir – en stækka hratt.“
Bakgrunnur átakanna er að alríkislögreglan skilgreindi fyrrverandi ungmennasamtök AfD, Junge Alternative 2023, sem „öfgasamtök“ og þau voru síðan leyst upp. Nýju ungmennasamtökin Kynslóð Þýskalands kusu Jean-Pascal Hohm, 28 ára, sem formann. Hohm sagði í upphafi ráðstefnunnar:
„Við munum berjast af einurð fyrir raunverulegri stefnubreytingu í innflytjendastefnu sem tryggir að Þýskaland verði áfram heimaland Þjóðverja.“