Forseti Frakklands segir tjáningarfrelsið vera „hreint bull.“ Hann vill að almenningur verði „leiddur“ í gegnum stafræna flæðið. Yfirlýsingin hefur kveikt nýja umræðu um það, hver eigi í raun og veru að ákveða það sem þú færð að sjá, lesa og dreifa.
Emmanuel Macron, Frakklandsforseti, dregur sjálfan grundvöll tjáningarfrelsis í efa. Á fundi um gervigreind á Indlandi á fimmtudag sagði hann opinberlega (sjá X að neðan):
„Tjáningarfrelsið er hreint bull ef enginn veit, hvernig á að leiða þig í gegnum þetta svokallaða tjáningarfrelsi … sérstaklega þegar kemur að því að vera leiddur frá einni hatursorðræðu til annarrar.“
Yfirlýsingunni hefur verið dreift víða og margir líta á hana sem enn eitt merkið um að valdhafar Evrópu vilja herða tökin á upplýsingaflæðinu. Samkvæmt Mario Nawfal er þetta merki um að „gríman hafi fallið.“
Samkvæmt Sri Lanka Guardian sagði Macron að fólk væri undir áhrifum algóriðma án þess að skilja þá og þess vegna þyrftu lýðræðisríki að koma á meiri „opinberri reglu“ á Internet. Macron segir þetta tengjast þörfinni á að stöðva það sem hann lýsir sem hatri og skaðlegu efni.
Meiri völd til að stjórna því hvað má birta
Í reynd þýðir rökstuðningur Frakklandsforseta að ríkið og yfirvöld eiga að fá meiri áhrif á hvernig upplýsingar eru flokkaðar og þeim dreift. Málið snýst ekki eingöngu um að fjarlægja ólöglegt efni, heldur einnig að stjórna því hvernig „leiða“ á fólk í gegnum stafrænar samræður.
Gagnrýnendur segja að hugtök eins og „hatur“ og „kynþáttafordómar“ séu ofnotuð, því oft er stjórnarandstæðingum ESB þannig af stjórnvöldum.
Í Svíþjóð skrifar HWL á X:
„Macron vill innleiða algóriðma ríkisins sem heldur í hendina á þér svo þú lesir ekki eitthvað eða sjáir eitthvað „hættulegt.“ Hvenær urðu leiðtogar hins frjálsa heim fremstu talsmenn ritskoðunar? Hann segir að hann vilji „leiða“ okkur með því að stjórna upplýsingunum. Hljómar eins og sótt beint í 1984 – en þetta er að gerast hérna, 2026.“