Forseti Kanada, Justin Trudeau, notar Úkraínustríðið til að afvopna kanadíska veiðimenn og íþróttaskyttur. Síðan sendir hann byssurnar til Úkraínu og bæði hann og Zelensky forseti Úkraínu hlæja. (Mynd © President.gov.ua).
Kanada bannar fleiri skotvopn sem notuð eru til veiða og íþróttaskyttur nota og gerir slík vopn upptæk. Upptæk vopn verða síðan gefin til Úkraínu til að nota í stríðinu gegn Rússlandi. ABC News greinir frá.
Kanadísk stjórnvöld hafa bannað vopn áður og bæta núna við 324 tegundum skotvopna og segja þau „stríðsvopn“ sem eigi ekki að vera í höndum veiðimanna eða íþróttaskytta. Samtímis ætla yfirvöld að gefa Úkraínu þau vopn sem gerða verð upptæk.
Að sögn Bill Blair varnarmálaráðherra hefur Kanada verið í sambandi við stjórnvöld í Úkraínu sem hafa lýst yfir áhuga á að fá vopnin. Blair sagði:
„Öll sú litla hjálp sem við getum boðið færir þá skrefi nær sigri.“
Dominic LeBlanc, ráðherra lögreglumála, segir að markmiðið sé að takmarka aðgang að hervopnum í borgaralegu samfélagi:
„Það þýðir að ekki verður lengur hægt að nota þessi vopn.“
Bitnar á löghlýðnum veiðimönnum og íþróttaskyttum
Bannið byggir á fyrri takmörkunum frá maí 2020, þegar Kanada bannaði 1.500 vopnategundir. Núna er fjöldinn kominn yfir 2.000. Nýjasta takmörkunin kemur í kjölfar gagnrýni talsmanna hertra byssulaga, sem töldu að margar tegundir af „árásarvopnum“ væru enn leyfð.
Ríkisstjórnin vinnur einnig að kerfi til að kaupa aftur bönnuðu vopnin af kanadískum eigendum en allt er enn á huldu um hvernig það eigi að virka. Íhaldssami stjórnarandstöðuleiðtoginn Pierre Poilievre kallar ákvörðunina „pólitískt glæfrabragð“ og telur að hún bitni einkum á löghlýðnum veiðimönnum og íþróttaskyttum.
