Í nýrri skýrslu um innflytjendamál og íslamíseringu Evrópusambandsins (sjá pdf að neðan) er því haldið fram að á svæðum, þar sem ríkið hefur dregið sig til baka, breiðist hliðarsamfélög út um alla Vestur-Evrópu sem eru knúin áfram af stjórnlausum fjöldainnflutningi ásamt íslamavæðingu innflytjenda.
Ný skýrsla sem nýtur stuðnings evrópskra íhaldssamra þingmanna hringi viðvörunarbjöllum vegna útbreiðslu svo kallaðra „no go svæða“ innan Evrópusambandsins sem tengjast beint við fjöldainnflytjendur, íslamiseringu og hnignun ríkisvalds í stórborgum.
Lög ríkisins í auknum mæli leyst af hólmi með reglum róttækni og ofbeldis
ESB-þingmennirnir Charlie Weimers frá Svíþjóðardemókrötum, Marion Maréchal frá Frönsku þjóðfylkingunni og Nicola Procaccini frá Bræðrum Ítalíu kynntu skýrsluna á blaðamannafundi á miðvikudag. Hún var gefin út af hugveitunni New Direction sem tengist ECR þingflokknum og Nicola Procaccini leiðir. Í skýrslunni er því haldið fram að stór svæði í Evrópu séu að þróast í „samfélög þar sem lög ríkisins eru í auknum mæli leyst af hólmi með reglum róttækni og ofbeldis.“
Maréchal sagði að niðurstöðurnar sýndu að þetta væri engin goðsögn. Hún sagði við kynninguna:
„Í Frakklandi eru 751 viðkvæmt svæði og 1.362 forgangshverfi. Rannsókn okkar sýnir að bannsvæði þróast eftir tveimur þáttum: innflytjendum og íslamiseringu — 63 prósent íslamskra hryðjuverkamanna tengjast þessum svæðum.“
Procaccini lýsti skýrslunni sem „viðvörunarbjöllu vegna mistaka stjórnlausrar innflytjendastefnu“ sem endurspeglar inngang skýrslunnar þar sem segir:
„Evrópa verði að horfast í augu við mistök stjórnlausra innflytjenda, skort á árangursríkum aðlögunarstefnum og ábyrgðarleysi staðbundinna stjórnvalda.“
Þar kemur einnig fram að þetta sé ætlað að vera fyrsta útgáfa í árlegri ritröð.
Verstu no go svæðin í París, Brussel, Malmö og Marseille
Rannsóknin setur fram matskerfi sem byggir á glæpatíðni og ofbeldi, tilvist samhliða samfélaga og vísbendingum um að ríkið hafi dregið sig til baka. Með því kerfi voru skoðuð 17 hverfi í sjö löndum innan Evrópusambandsins. Hæst var Franc Moisin hverfið norður af París með einkunnina 10, þar á eftir komu La Castellane í Marseille, Molenbeek í Brussel og Rosengård í Malmö, öll með einkunnina 9,4. Önnur hverfi sem nefnd eru í skýrslunni eru meðal annars Neukölln í Berlín, Marxloh í Duisburg, Raval í Barcelona og Schilderswijk í Haag.
Meðalhlutfall múslíma 29% á no go svæðum
Samkvæmt skýrslunni einkennast þessi svæði af aukinni tíðni ofbeldisglæpa, ungmennagengjum, óeirðum, atvinnuleysi, brotthvarfi úr skóla á unga aldri, árásum á lögreglu eða slökkvilið og töfum eða synjunum á neyðarþjónustu. Höfundar halda því fram að þessir þættir bendi sameiginlega til svæða þar sem stjórn ríkisins hefur veikst og samhliða valdakerfi myndast.
Skýrslan lyftir einnig fram sterkri fylgni milli no go svæða og hlutfalls erlendra íbúa og múslima og segir ofhlutfall beggja hópa í þessum hverfum endurspegla víðtækari lýðfræðilegar og menningarlegar breytingar sem séu farin að móta evrópskar borgir.
Þar segir að meðaltalshlutfall múslima á þessum svæðum sé 29 prósent, samanborið við 4,9 prósenta meðaltal í Evrópusambandinu, og fullyrt er að bannsvæði séu „sterklega tengd fjöldainnflytjendum og íslam.“
Í inngangi skýrslunnar segir New Direction að tregða til að nota hugtök eins og „no go svæði“ hafi skapað gjá milli opinberrar umræðu og raunveruleikans og varað er við því að Evrópa eigi á hættu að missa ekki aðeins stjórn á götum sínum heldur einnig „sjálf þau gildi frelsis og jafnréttis sem skilgreina siðmenningu okkar“ ef slíkum svæðum verði leyft að halda áfram að dafna.
Hugtakið hefur áður verið notað til að lýsa ákveðnum svæðum í evrópskum borgum þar sem hátt hlutfall innflytjenda og glæpa fer saman. Í nóvember á síðasta ári varaði Martin Hess, ESB-þingmaður fyrir Valkost fyrir Þýskaland, við því að:
„Þýskar lestarstöðvar sem einu sinni voru staðir hreyfanleika og friðsælla samskipta, eru í vaxandi mæli að verða no go svæði. Á mörgum sviðum glæpastarfsemi eru útlendingar í óhóflega miklum mæli meðal grunaðra.“
Í september leiddi lekin hljóðupptaka frá spænska bænum Torelló í ljós að lögreglumenn viðurkenndu að þeir væru ófærir um að hafa stjórn á ofbeldisfullum hópum innflytjenda sem safnast saman á ákveðnum svæðum, og að hæðst hefði verið að þeim og þeir neyddir til að hörfa frá útköllum.
Lögreglan: Þeir hlæja að okkur og reka okkur í burtu
„Þeir hlæja að okkur,“ sagði lögreglumaður í símtalinu. „Þeir reka okkur í burtu. Ef við viljum ekki meiðast verðum við líka [að fara],“ bætti hann við og lýsti því hvernig lögreglan þurfti að hörfa eftir að hafa mætt fjandsamlegum viðbrögðum.
Allt aftur til ársins 2022 neituðu sjúkraflutningamenn í Svíþjóð að fara inn í ákveðin hverfi í Stokkhólmi vegna fjandskapar, að stórum hluta frá innflytjendahópum. „Við höfum áhyggjur af því að einhver muni látast ef ekkert breytist,“ sagði sérhæfði hjúkrunarfræðingurinn Linda Orrvik á þeim tíma.
„Við förum á staði þar sem skotárásir eiga sér stað, staði þar sem eru vopn og fíkniefni, og staði þar sem gilda aðrar reglur en þær sem við erum vön samkvæmt réttarríkinu,“ bætti sjúkraflutningamaðurinn Henrik Johansson við. Og morð hefur ekki skort í Svíþjóð. Sem dæmi má nefna lögreglumann í Gautaborg fyrir nokkrum árum og hjúkrunarkonu fyrir norðan Stokkhólm fyrir nokkru en hún var að svara SOS kalli frá einu slíku svæði og sjúkraflutningamenn fóru inn án þess að lögreglan hafði fyrst tryggt aðgengi sjúkraliðsins á svæðið.
Skýrslan er á ensku hér að neðan: