Spillingarhneykslið í Úkraínu heldur áfram að stækka – núna með opinberri andspyrnu þingmanna úkraínska þingsins. Þegar spillingarvarnastofnunin NABU ætlaði að framkvæma húsleit á þinginu mættu vopnaðir verðir og hindruðu húsleitina.
Nýtt spillingarhneyksli hefur komið upp í Úkraínu – að þessu sinni á sjálfu þinginu. Úkraínska spillingarvarnastofnunin NABU og sérhæfða saksóknaraembættið SAP hafa afhjúpað skipulagðan glæpahóp núverandi þingmanna sem tóku við mútum í skiptum fyrir að greiða atkvæði með frumvörpum, að sögn úkraínska UNN. NABU segir í opinberri fréttatilkynningu:
„NABU og SAP hafa afhjúpað skipulagðan glæpahóp sem samanstendur af núverandi þingmönnum úkraínska þingsins. Samkvæmt rannsókninni fengu meðlimir hópsins kerfisbundið ólöglegan hagnað í skiptum fyrir atkvæði sín.“
Samkvæmt NABU var um að ræða kerfi mútugreiðslna, þar sem stjórnmálamönnum var lofað peningum í skiptum fyrir að styðja ákveðin frumvörp. Þetta er háþróað kerfi til atkvæðakaupa sem hefur grafið undan löggjafanum á landsvísu. Sönnunargögnin innihalda bæði myndbandsupptökur og vitnisburði.
En það sem hefur hneykslað Úkraínumenn einna allra mest er ekki bara uppljóstrun um enn eitt spillingarhneykslið, heldur hvernig rannsóknin sjálf hefur mætt andstöðu innan ríkisins.
Öryggissveitir lokuðu fyrir NABU
UNN greinir frá því að öryggissveitir landsins hafi komið í veg fyrir að rannsóknarmenn NABU gætu sinnt verkefnum sínum. Samkvæmt upplýsingunum þá lokuðu starfsmenn UDO, sem bera ábyrgð á öryggi forsetans og annarra háttsettra stjórnmálamanna, fyrir aðgang NABU að þinghúsinu. UNN greinir frá samkvæmt heimildum að:
„Starfsmenn UDO komu í veg fyrir að rannsóknarmenn NABU kæmust inn í þinghúsið til að sinna verkefnum sínum.“
Atburðurinn átti sér stað 27. desember og hefur vakið hörð viðbrögð bæði meðal aðgerðasinna gegn spillingu og stjórnarandstöðunnar í Úkraínu. Margir segja að þetta sýni hvernig hluti úkraínska ríkiskerfisins berst hart gegn öllum tilraunum til að hreinsa upp meðal pólitískra valdhafa.
Þolinmæði þjóðarinnar þrotin
Á undanförnum mánuðum hefur Úkraína orðið fyrir flóðbylgju uppljóstrana. Nokkrir ráðherrar, þar á meðal orkumálaráðherrann Herman Halushchenko, voru reknir í tengslum við rannsóknir NABU. Nánir samstarfsmenn Volodymyr Zelenskyj forseta, þar á meðal fyrrverandi ráðgjafinn Oleg Tatarov og starfsmannastjórinn Andriy Yermak, hafa einnig verið tengdir ýmsum hneykslismálum. Fyrrverandi viðskiptafélagi Zelenskyj, Timur Mindych, sem nefndur hefur verið lykilmaður í málinu, flúði til Ísraels.
Nýjasta uppljóstrunin varðar þó ekki einstakan einstakling heldur heilt glæpanet þingmanna sem, samkvæmt NABU, högnuðust á því að selja atkvæði sín á kerfisbundinn hátt. Samtímis og spilling ríkisstjórnarinnar afhjúpast krefst ríkisstjórnin áframhaldandi stuðnings vestrænna ríkja sem gengur eftir með fábjána við völd í stíl við ráðherra íslensku ríkisstjórnarinnar.
Eftirstöðvar úkraínsku þjóðarinnar er æfareið. Nýleg skoðanakönnun sýnir að meirihluti Úkraínumanna telur að Zelensky forseti beri ábyrgð á spillingunni meðal æðstu stjórnenda ríkisins. 30,1% telur að draga eigi forsetann fyrir dómstól, 28,4% vilja að honum verði bannað að bjóða sig fram í næstu kosningum en aðeins 30% verja forsetann. Þolinmæðin gagnvart spillingunni í innsta hring forsetans er runnin á enda.