Hin klassísku hvatningarorð sjálfstæðisbaráttu þjóðarinnar heyrðust í Hallgrímskirkju í dag, þegar Davíð Oddsson fyrrverandi forsætisráðherra var jarðsunginn. Séra Geir Waage, sóknarprestur emeritus, predikaði fagnaðarerindið samtímis sem hann fór yfir störf og líf Davíðs Oddssonar og velsignaði hann með blessun Guðs, föðurs, sonar og heilags anda. Að öllum öðrum kirkjunnar mönnum ólöstuðum, þá er Geir Waage sá fremsti til að gera gjörðum Davíðs skil á jafn vammlausan hátt og sannan.
Það er ekki hægt einu sinni við jarðaför að gera ævi eins manns eins og Davíðs Oddssonar að fullu skil en Geir Waage tóks að skila sannri mynd af sál, anda og auðmýkt þess manns sem í áraraðir helgaði krafta sína þjóðinni og leiddi á farsælan hátt með einföldum og rammíslenskum reglum. Einmitt þær reglur og staðfesta Davíðs bjargaði þjóðinni á ögurstundu Icesave, sem fylgdi þeirri skoðun að heiðarlegt fólk ætti ekki að borga skuldir óreiðumanna. Davíð Oddsson var ekki sá sem var að hreykja sér heldur lét verkin tala. Andstæðingar hans þyrluðu upp miklu ryki, aðallega til að fela eigin afglöp og gerðu aðkast að Davíð. Með sögunni og tímans tönn mun slíkt gleymast en hinn góði Davíð Oddsson standa eftir betri en áður.
Heiðursmenn lögreglunnar báru út kistu Davíðs fram í anddyri kirkjunnar. Fyrir utan mynduðu lögreglumenn heiðursvörð til að sýna hinum látna virðingu sína.
Jarðaförin var virðuleg eins og hæfir þjóðarleiðtoga, kirkjan fullsetin og ættingjar og vinir á fremsta bekk.
Þjóðólfur kveður Davíð Oddsson hinstu kveðju: Þakka þér þín góðu verk og ráð á raunastundu. Guð geymi þig og blessi sem og fjölskyldu þína.
Mynd af aukablaði Morgunblaðsins um störf Davíð Oddssonar í dag.
(Myndir eru skjáskot frá opinberri útsendingu RÚV í beinni).