Traust á forystu ESB er að hrynja í stórum hluta Evrópu. Ný könnun sýnir að óánægjan er mest í löndum sem ögra miðsjórnarvaldinu í Brussel, – stuðningurinn er sterkastur þar sem stjórnmálamenn fylgja sambandinu. Sprungurnar í ESB vaxa hratt og það verður sífellt erfiðari að fela þær.
Ný skoðanakönnun Gallup leiðir í ljós greinilegt hrun á stuðningi við forystu ESB. Þó að Norður-Evrópubúar beri opinberlega enn mikið traust til Brussel, þá eykst óánægjan mjög í austur- og suðurhluta ESB en þar hefur gagnrýni á yfirþjóðlegt vald og utanaðkomandi þrýsting gerst sífellt háværari.
Mesti stuðningurinn við forystu ESB er í Danmörku 75%, Finnlandi 74% og Svíþjóð 73%. Sjórnvöld í þessum löndum efast sjaldan um miðstjórnarvald ESB í Brussel og fylgja á virkan hátt ákvörðunum ESB um loftslagsmál, fólksflutninga og aðstoð við Úkraínu.
Í löndum eins og Ungverjalandi, Slóvakíu og Grikklandi er myndin önnur. Þar eru aðeins 34 – 42% samþykk forystu ESB og allt að 59% lýsa yfir algerri andstöðu við ESB.
Þessi lönd hafa einnig opinberlega andmælt knýjandi kröfum ESB um flóttamannakvóta, sameiginlegan stríðsstuðning við Úkraínu og takmörkun á landslögum. Ungverjaland hefur til dæmis verið sektað þungum sektum fyrir að neita að taka á móti farandfólki sem ungverska ríkisstjórnin stendur fast við.
Frakkland og Ítalía hiksta
Vonbrigðin með ESB fara vaxandi í stórum aðildarríkjum eins og Ítalíu og Frakklandi. Í Frakklandi segjast 50% vera ósammála forystu ESB, en aðeins 47% styðja forystu ESB. Stuðningur almennings á Ítalía, í Búlgaríu og Rúmeníu er einnig undir 50% mörkum, þrátt fyrir að ríkisstjórnir þeirra styðji opinberlega ákvarðanir ESB.
Niðurstöðurnar sýna ekki aðeins vaxandi gagnrýni íbúanna í mörgum ESB-ríkjum heldur sýna þær að hollustan við sjálft ESB-verkefnið er farin að molna. Þar sem næstum helmingur aðildarríkjanna hefur stuðning undir 60% og nokkur undir 45%, þá bendir það til þess að stuðningur við ESB er ekki lengur sjálfsagður.
Að baki tölunum er vaxandi vantraust á miðstýringu, skort á gagnsæi og ákvörðunum sem teknar eru víðs fjarri raunveruleikanum. Valdakerfi ESB byggir á samvinnu, en þegar traustið glatast hjá miklum hluta íbúanna, þá er það ekki spurning um hvort, heldur hvenær þróunin breytist í hrun.
