Sænska sjónvarpið greinir frá því að „hamingjusamasta land í heimi” Finnland hafi fallið í botnlaust svartsýnisfen sem leiðir til þess að fólk þorir ekki að nota spariféð sitt. Húsnæðismarkaðurinn er frosinn, verð húsnæðis fer lækkandi og barnafátækt hefur aukist upp í 15%. Á sama tíma sparar nágranninn Svíþjóð peninga með því að skera niður mat til ellilífeyrisþega til dæmis lax, smjör og bragðbætta jógúrt. Óttast ýmsir næringasérfræðingar í Svíþjóð að niðurskurðurinn geti leitt til þess að gamla fólkið fái ekki þá næringu sem nauðsynleg er.
Á myndum sænska sjónvarpsins má sjá langar biðraðir fólks í höfuðborginni Helsinki sem býður eftir að fá afgreiddan ókeypis mat svipað og áður hjá Fjölskylduhjálpinni á Íslandi. 81 árs gamall maður hefur beðið í kuldanum í þrjá tíma, þar til verður opnað og hann segir að margt venjulegt fólk sé orðið matarþurfi í dag. Starfsmaður finnsku fjölskylduhjálparinnar segir að hann sjái ný andlit á hverjum deg. Þann dag sem sænska sjónvarpið kvikmyndaði og sagði frá matarúthlutuninni komu 2 000 manns og leituðu aðstoðar.
Tölur frá félagsmálaráðuneyti Finnlands sýna að barnafátækt hefur aukist um 3% frá 2023 til 2025 og er núna uppi í 15%. Ríkisstjórn Finnlands lofaði gulli og grænum skógi, þegar hún tók við völdum en núna kvarta ráðherrar mest yfir því, að fólk skuli ekki vilja eyða meira. Ríkisstjórnin hefur þurft að taka lán samtímis sem félagsbætur eru skornar niður. Finnland á á hættu að skapa nýja kynslóð ungmenna sem komast ekki inn á vinnumarkaðinn og lifa á félagsbótum í staðinn.
Peningum ausið í stríð og þróunaraðstoð á meðan maturinn er skorinn niður hjá þeim eldri
Á sama tíma og sænsk yfirvöld ausa peningum erlendis í stríð og þróunaraðstoð, þá neyðast sveitarfélögin að spara peninga á mat eldra fólksins. Á fleiri elliheimilum hefur matur minnkað eða horfið sem áður var algengur eins og til dæmis lax, smjör og bragðbætt jógúrt. Samkvæmt sænska ríkisútvarpinu hafa að minnsta kosti 30 af 290 sveitarfélögum gripið til slíks niðurskurðar.
Lisa Thungren næringarsérfræðingur segir að niðurskurðurinn geti haft alvarleg áhrif á gamla fólkið sem gæti orðið vannært og lifað erfiðara lífi. Þróunaraðstoð Svía er um 45 milljarðar sænskra króna sem gætu í staðinn farið til sveitarfélaganna. Svíar hafa sett 200 milljarða sænskra króna í Úkraínustríðið þannig að niðurskurður sveitarfélaganna er óþarfur ef peningarnir eru notaðir á réttan hátt. Enginn skattgreiðandi hefur verið spurður um þessi útgjöld sem sýnir hversu afvegaleidd sænsk stjórnvöld eru orðin.
Í Svíþjóð eykst tala fátækra lífeyrisþega sem þurfa að lifa af bótum sem eru undir 60% af meðallaunum. Árið 2019 var það um 12 þúsund sænskar á mánuði í kringum 160 þúsund íslenskar. Margir sænskir ellilífeyrisþegar geta ekki lifað af ellilífeyrnum og neyðast til að fá mataraðstoð og sumir missa heimilin og gerast heimilislausir og háðir kirkju og öðrum góðgerðarstofnunum til að geta lifað.
