Merz mun gera hvað sem er til að beina athyglinni frá hruni þýsku ríkisstjórnarinnar í skoðanakönnunum.
Merz dreymir um þýska hermenn í Úkraínu. Meðal margra viðkvæmra mála sem rædd eru í friðarferlinu milli Rússa og Úkraínu er svo kölluð „öryggisábyrgð“ fyrir Kænugarð. Stjórn Donalds J. Trumps hefur boðið Volodymyr Zelensky „platínuábyrgð“ sem er öryggisábyrgð í stíl við fimmtu grein Nató, – en aðeins ef hann samþykki frið mjög fljótlega. Þríeyki „Þeirra misheppnuðu“ frjálslyndu glóbalísku leiðtoga hinna viljugu krefjast þess að fá að hafa „friðargæslulið“ í Úkraínu eftir að skrifað hefur verið undir friðarsamninginn.
Friedrich Merz, kanslari Þýskalands, telur að þýskir hermenn „eigi að taka þátt í bandalagi til að tryggja afvopnuð svæði í Úkraínu.“ Það er hreint út sagt fáránlegt, þar sem Rússar hafa hafnað bæði evrópskum hermönnum og afvopnuðum svæðum.
Merz vill sjá þýsk herstígvél á úkraínskri jörðu með heimild til að „hefna fyrir árásir Rússa.“
Alice Weidel, leiðtogi Valkosts fyrir Þýskaland, AfD, sem er leiðandi flokkur í skoðanakönnunum, segir Merz hafa týnt glórunni. Hún segir að óábyrg orð hans dragi úr möguleikum á friði og breyti Þýskalandi á augnabliki í þátttakanda í stríðinu.
Merz sagði við ríkisútvarpið ZDF í Berlín á þriðjudagskvöld að hann væri bjartsýnni á að Vladímír Pútín, forseti Rússlands, þyrfti að lokum að samþykkja friðarsamkomulag:
„Við erum ekki komin þangað enn þá en Pútín hefur sagt „já“ við mörgu og einhvern tímann verður hann líka að segja „já“ við einhverju til þess að binda enda á þetta stríð.“
Greinilega telur Merz að þýskir hermenn sem sendir eru í stríð við Rússa séu fremsta tryggingin fyrir öryggi Úkraínu.