Yfirhershöfðingi breska flughersins, Sir Richard Knighton, segir breskar fjölskyldur eiga eftir að kynnast því, hvernig það er að missa syni sína og dætur í komandi stórstríði gegn Rússlandi.
Valdhafarnir í Bretlandi eru helteknir af hugmyndinni um að fara í stríð við Rússland. Það er ótrúlegt hvernig bresk stjórnvöld heilaþvo almenning á hverjum degi til að styðja við gjörsamlega tilgangslaus hernaðarátök við Rússland.
Yfirmaður breska hersins gengur lengra en nokkur annar með því að vara Breta við því að fjölskyldur þeirra „þurfi að undirbúa sig fyrir að senda syni sína og dætur í stríð gegn Rússlandi.“
„Sir Richard Knighton, yfirhershöfðingi flughersins, sagði í hörðum skilaboðum að „fleiri“ þyrftu að vera tilbúnir til að grípa til vopna til að verja landið.
Hann útskýrði að þótt líkurnar á beinni árás Rússa á Bretland væru enn litlar, þá þýddi það ekki að líkurnar væru engar.“
Hann bað skólana að hvetja börnin til að hefja störf í vopnaiðnaðinum og varaði við því að margar breskar fjölskyldur myndu „læra hvað fórn fyrir þjóð okkar þýðir.“
„Í ræðu á viðburði Royal United Services Institute í Westminster í gærkvöldi hvatti Sir Richard almenning til að hjálpa til við að byggja upp þjóðarafl til að tryggja að Bretland starfi eins og ætlast er til í stríðsástandi.
Hann sagði: „Á hverjum degi verður Bretland fyrir netárásum frá Rússlandi og við vitum að rússneskir njósnarar eru að reyna að fremja skemmdarverk og hafa drepið á ströndum okkar.“
„Sir Richard bætti við: ,Synir og dætur. Samstarfsmenn. Hermenn munu allir gegna hlutverki. Að byggja upp. Að þjóna. Og ef nauðsyn krefur, að berjast. Og fleiri fjölskyldur munu kynnast því, hvað það þýðir að færa fórn fyrir þjóð okkar.“
Breska ríkisstjórnin mun hækka varnarmálaútgjöld í fimm prósent af landsframleiðslu eigi síðar en árið 2035.