26 ára gamall afganskur maður í Oskarshamn, Svíþjóð, er sakaður um að hafa myrt samstarfsmann sinn og geymt líkamshluta hans í frysti heima í íbúð sinni eftir að hafa vandlega fjarlægt innri líffæri og húð. Bæði ákærði og fórnarlambið komu sem einstæð börn frá Afganistan og störfuðu hjá sveitarfélaginu í Oskarshamn.
Hin hryllilega uppgötvun var gerð við húsleit í febrúar. Í frysti afganska mannsins fann lögreglan plastpoka sem innihéldu leifar 25 ára gamals samstarfsmanns, sem hafði verið saknað í rúman mánuð. Samkvæmt ákærunni var morðið framið í byrjun janúar með stungusári, en umfangsmiklar líkamsskemmdir hafa gert erfiðara um vik að ákveða dánarorsökina nákvæmlega.
Eftir morðið er sagt að Afganinn hafi stykkjað líkið sundur, fjarlægt öll innri líffæri og húð af höfði fórnarlambsins og öðrum líkamshlutum. Leifarnar voru síðan geymdar í plastpokum í frysti Afganans, en líffærum og það sem var eftir af líkamanum fargað á óþekktan hátt.
Að sögn saksóknara er um mjög gróft brot á grafhelgi að ræða, þar sem líkið var alvarlega skaðað og „verknaðurinn var sérstaklega gáleysislegur þar sem hann fól í sér sérstaklega niðurlægjandi meðferð á leifunum í langan tíma.“
Hinn 26 ára gamli maður er einnig grunaður um að hafa nýtt sér persónuupplýsingar hins látna til að afla sér fjár. Í málsókninni kemur fram að eftir morðið hafi hann sótt um 100.000 sænskar krónur í nafni fórnarlambsins með því að nota bankaupplýsingar hans. Hann á síðan að hafa flutt samtals 200.000 sænskar krónur af reikningi samstarfsmanns síns yfir á eigin reikninga og ýmissa fjárhættuspilafyrirtækja.
Afganinn er núna ákærður fyrir morð, alvarlega líkamsárás, alvarleg fjársvik í 48 tilvikum. Hann var handtekinn á Arlanda í apríl þegar hann kom úr utanlandsferð og hefur verið í gæsluvarðhaldi síðan. Hinn grunaði neitar öllum ákærum og heldur því fram, í gegnum lögmann sinn, að einhver annar standi á bak við allt saman.
„Hann er ekki sá sem hefur vanhelgað líkið. Hann neitar allri aðild að því sem hann er sakaður um” segir Maria Robinson, verjandi hins ákærða, við SVT Nyheter Småland. Hún heldur því fram að þriðji maðurinn hafi verið í íbúðinni þegar samstarfsmaðurinn lést. Maria Robinson segir:
„Fórnarlambið kom heim í íbúðina ásamt öðrum kunningja. Síðan dó fórnarlambið þarna einhvern tímann. Umbjóðandi minn veit ekki hvernig það gerðist.”
Saksóknarinn hefur aðra skoðun á málinu. Samkvæmt rannsókninni eru engin spor af þriðja manni í íbúðinni. Saksóknarinn krefst þess að þessum 26 ára flóttamanni verði vísað úr landi og verði aldrei aftur leyft að snúa til Svíþjóðar.