Jafnaðarmenn og móderatar í sömu sæng botnlauss haturs gegn Bandaríkjaforseta
Þrír sænskir forsætisráðherrar – einn núverandi og tveir fyrrverandi – voru nýlega í TV 4 og fengu sameiginlega útrás fyrir öfund og gremju sína með því að hrauna stórt yfir Donald Trump Bandaríkjaforseta. Orðin voru stór, greiningin örugg og órofa samstaða milli þessara þriggja sænsku „mikilmenna.“
Fredrik Reinfeldt fyrrverandi leiðtogi Móderata birtist fyrstur í morgunfréttum TV4 og lýsti Trump sem ógn við grundvallargildi mannkyns:
„Trump trúir ekki á jafnrétti fyrir lögum, ekki á lýðræði, ekki á jafnt gildi fólks. Og hann er mjög skýr sjálfsdýrkunarsinni. Það er óljóst hvað nær til hans. Aðalsmerki hans er sjálfsdýrkun, ekkert nær til hans nema lof og aðdáun.“
Fyrrverandi leiðtogi Jafnaðarmannaflokksins, Stefan Löfven, tók enn harðari afstöðu þegar hann kom inn í stúdíóið:
„Þetta er dapurlegt sem við sjáum í Bandaríkjunum og við verðum að kalla það réttu nafni. Þetta er fasismi.“
Hann lýsti Trump sem bæði fasista og einræðisherra og vísaði til árása á fjölmiðla og harðari aðgerða útlendingastofnarinnar ICE:
„Aukið ofbeldi er hluti af myndinni.“
Ulf Kristersson, núverandi formaður móderata og forsætisráðherra Svíþjóðar var hófsamari en kennir Trump um að hafa skaðað samband Evrópusambandsins við Bandaríkin:
„Hugmynd okkar er ekki að hefja slagsmál við aðra eða að bregðast við á sama hátt og tala niðrandi hvert um annað. Aðgerðir Trumps undanfarnar vikur hafa skaðað sambandið við Evrópu meira en Bandaríkin gera sér grein fyrir.
Sú staðreynd að maður skuli jafnvel þurfa að vera ánægður með að engin innrás verði gerð í Grænland segir sitt um fáránleika málsins.“