Tilefnislausar hnífastunguárásir á saklausa halda áfram í Bretlandi. Núna var 17 ára stúlka fyrir hrottalegri árás, þegar hún var stungin með hnífi í hálsinn í árás um hábjartan dag í ensku borginni Brierfield í Lancashire á föstudag. Eins og sjá má á myndbandi að neðan ræðst árásarmaðurinn aftan að henni og heggur hníf í háls hennar.
Lögreglan var kölluð að Wood Street skömmu eftir klukkan 15:00 að staðartíma eftir að tilkynningar bárust um að ráðist hafði verið á unga konu með beittum hlut. Stúlkan var flutt á sjúkrahús með áverka á hálsi. Samkvæmt lögreglunni í Lancashire eru meiðslin ekki talin lífshættuleg né líkleg til að hafa varanleg áhrif á líf hennar og hún hefur verið útskrifuð af sjúkrahúsinu.
Skömmu eftir árásina var 30 ára gamall maður handtekinn grunaður um tilraun til manndráps. Hann var enn í haldi á laugardag á meðan rannsókn málsins hélt áfram. Upptökur úr eftirlitsmyndavélum á svæðinu, sem breskir fjölmiðlar hafa birt, sýna manninn nálgast ungu konuna á götunni áður en árásin á sér stað.
Lögreglan hefur upplýst að hinn grunaði sé fæddur í Bretlandi og af pakistönskum uppruna. Nafn hans hefur enn ekki verið gert opinbert og rannsakendur hafa ekki lagt fram neina hugsanlega skýringu á árásinni. Samkvæmt lögreglunni eru eins og sakir standa engar upplýsingar að verknaðurinn hafi verið framinn af rasískum ástæðum. (VARÚÐ við sterkum myndum):
Svæðið þar sem árásin átti sér stað var girt af síðdegis á föstudag á meðan tæknideild lögreglunnar framkvæmdi rannsóknir og safnaði sönnunargögnum. Lögreglan hefur einnig farið yfir upptökur úr eftirlitsmyndavélum á svæðinu og hvatt vitni til að gefa sig fram.
Árásin hefur vakið sterk viðbrögð í nærsamfélaginu. Auka lögregluverðir hafa verið sendir á svæðið. Rannsóknin er í höndum lögreglunnar í Lancashire og málið er sem stendur rannsakað sem grunur um tilraun til manndráps.
Ódæðið átti sér stað aðeins nokkrum dögum eftir að árásarmaður réðst á mann á Norður-Írlandi og reyndi að skera fórnarlambið á háls. Leiddi það til gríðarlegra mótmæla gegn innflytjendastefnu innflytjenda og höfðu grímuklæddir menn vopnaðir kylfum sig frammi.