Logi Kjartansson lögmaður og Kristín Þormar
Kristín Inga Þormar hefur hafið söfnun fyrir áframhaldandi lögfræðistörfum og rannsóknarvinnu að áætluðu lágmarki kr. 1.500.000 til framhalds rannsókna og lögfræðistörfum Loga Kjartanssonar sem upplýst hefur þjóðina um ólögmæti boðaðrar þjóðaratkvæðagreiðslu um inngöngu Íslands í Evrópusambandið 29. ágúst næst komandi. Reikningsnúmer söfnunarinnar er 0515-26-2556 kt. 060875-4059. Er allir hvattir til að leggja hönd á plóginn svo hægt verði að fullvinna meðal annars kæru til kjörstjórnar ásamt greinargerð til forseta Íslands.
Þjóðaratkvæðagreiðsla án grunns í stjórnarskrá eða forsetaúrskurði
Kristín Þormar skrifar á blog.is:
„Varðandi þetta veigamikla mál hefur nú komið í ljós að gagnsæi um undanfara ákvörðunartöku um þjóðaratkvæðagreiðsluna er ekki fyrir hendi, og nú síðast að 300 skjölum hafi verið leynt fyrir þingi og þjóð.
Og vilhöll afstaða RÚV til aðildar að ESB fer ekki á milli mála, en skýringuna má ef til vill finna í því að samkvæmt fyrirliggjandi upplýsingum virðist stofnunin hafa fengið u.þ.b. þrjá milljarða króna í styrki þaðan á undanförnum árum.Í því sambandi er þess að geta að gagnabeiðni varðandi tilvitnaða fjárstyrki hafði verið send til RÚV en þar sem stofnunin hefur heykst á því að afgreiða beiðnina var málið kært til úrskurðarnefndar upplýsingamála sem veitti RÚV nýverið frest til þess að bregðast við, til 19. júní.
Hvort sem fólk er hlynnt eða andvígt inngöngu í ESB, þá hljóta allir Íslendingar að vera sammála um nauðsyn þess að staðið sé lagalega rétt að ferlinu í öllum skilningi, því að vissulega dregur verulega úr öllum lýðræðislegum forsendum atkvæðagreiðslunnar ef grundvöllur hennar og aðdragandi eru alvarlegu ólögmætismarki brenndir, eins og margt bendir ótvírætt til.“
Kristín vitnar í niðurstöðu rannsóknar Loga Kjartanssonar sem útskýrði fyrir þjóðinni í grein í Mbl. að utanríkisráðherra hefði tekið sér vald sem hún hefur ekki samkvæmt stjórnarskrá lýðveldisins né sérstökum forsetaúrskurði um valdsvið ráðherra og ráðuneyta. Samkvæmt forsetaúrskurðinum eru mál er varða breytingar á stjórnarskrá lýðveldisins á borði forsætisráðherra sem fer með valdsvið stjórnskipunar ríkisins í heild. Þar sem þingsályktunartillagan var borin fram af utanríkisráðherra en ekki forsætisráðherra, hefur utanríkisráðherrann tekið sér vald á verksviði forsætisráðuneytisins sem hún hefur engan lagalegan grundvöll fyrir. Þjóðaratkvæðagreiðslan hvílir hvorki á grundvelli stjórnlaga ríkisins né úrskurði forsetans og því ólögmæt og ber að vísa til baka svo hægt verði að leiðrétta mistökin áður en lengra er haldið.
Minnisblað til Íslendinga
Í sérstöku minnisblaði frá fullveldis- og sjálfstæðisverjendum lýðveldisins Íslands og vinum grundvallarmannaréttinda sem Krístín birtir á blog.is segir orðrétt:
„EFNI: Neyðartilvik – fjárstyrksbeiðni. Varðandi framsal fullveldis og sjálfstæðis lýðveldisins og þá mannréttindaöryggis og velferðar Íslendinga til útlendra og þannig ólýðræðislegra samtaka sem nefnast Evrópusambandið og aðallega virðast nú á dögum leggja áherslu á höft og helsi og mannréttindaskerðingar og viðgang m.a. styrjalda fremur en að stuðla að friði og frelsi.
Logi Kjartansson lögfræðingur var nú á sl. vordögum fenginn af þeim Þresti Jónssyni og Sigfúsi Aðalsteinssyni til þess að vinna lögfræðiálit í því skyni að leiða í ljós hvort boðuð atkvæðagreiðsla vegna ESB svo og aðdragandi hennar teldust úr lögmætum farvegi sprottin. Niðurstaðan var ótvíræð eins og glögglega er dregið fram í meðfylgjandi grein hans svo og formlegri umsögn frá honum til nefndasviðs Alþingis.
Síðan þá hefur enn dregið umtalsvert til tíðinda viðvíkjandi málinu og m.a. komið í ljós að hátt í 300 skjöl sem tengjast samskiptum íslenskra stjórnvalda við Evrópusambandið varðandi þjóðaratkvæðið um inngöngu voru falin bæði fyrir alþingismönnum og þjóðinni. Var það ekki fyrr en á síðustu metrunum að þingmenn fengu að örstutt að líta á þau, en hvorki taka myndir af skjölunum né skrifa hjá sér punkta sem að miklum líkindum er m.a. í andstöðu þingræðisregluna sem og eftirlitshluverk þingsins viðvíkjandi ráðherrum og ríkisstjórn.
Tilvitnuð skjalaundanskot og gagnalaunung gagnvart kjósendum, sem vafalítið eiga rætur að rekja til ráðherra eru augljóslega grafalvarleg aðför að þingræði því sem og lýðræði er hér hefur talist ríkjandi a.m.k allt frá gildistöku stjórnarskrár lýðveldsins Íslands, svo og verulega atlaga að hinum almenna kosningarétti manna og þeim sjálfsákvörðunarrétti borgaranna sem samofinn er þar.
Nú liggur fyrir að atkvæðagreiðslan hefur verið boðuð samkvæmt framangreindri þingsályktun þann 29. ágúst n.k. en við blasir bersýnilega að ekki eru öll kurl til grafar komin þar.
Lögfræðingurinn býr yfir sérhæfingu sem slíkur á sviði stjórnarfars- og refsiréttar innti af hendi afar vandaðar lögfræðilegar rannsóknir og þá heimildavinnslu sem og ritun varðandi framangreind verkefni og álit með eftirtektarverðum árangri og áhrifum. Í því ljósi og að virtum alvarleika og eðli umrædds ESB-máls fyrir Íslendinga almennt og yfirleitt vill hópur lýðræðislega og þar með siðferðislega lágmarksþenkjandi fólks fá hann áfram til þess að rannsaka og upplýsa með lögfræðilegri aðferðarfræði enn frekar um ætlað ólögmæti verka og ákvarðana ráðherra og eftir atvikum annarra embættismanna ríkisins í tengslum við umrædda þjóðaratkvæðagreiðslu og aðdraganda hennar sem nú þegar liggur fyrir að alvarlegum annmörkum eru haldin og ljóst að líkur standa til að mun fleira og meira af slíkum ólögmætistoga bíður afhjúpunar og umfjöllunar.
Erindi til forsetans – kæra til úrskurðarnefndar kosningamála
Má ætla framhaldandi vinnu mjög þýðingarmikla í lýðræðislegu sem og stjórnskipulegu og réttaröryggislegu tilliti en verkefnin og starfinn lýtur m.a. að eftirfarandi stofnunum og úrlausnarefnum:
- Umkvörtunarerindi til forseta Íslands – sem er æðsti handhafi framkvæmdarvaldsins í landinu og með tiltekna oddastöðu í ríkisráði landsins (forseti + ríkisstjórn) – með kröfu um inngrip og afskipti með beinum hætti að viðlagðri ábyrgð hans.
- Greinarskrif í blöð varðandi málið sem er mjög mikilvægt og helsti upplýsinga- og aðhaldsvettvangurinn varðandi stjórnarfarið þegar svo háttar til eins og hér.
- Kosningakæra sem beint verður til úrskurðarnefndar kosningamála og er sú vinna þegar hafin, en ljóst má vera að valdþurrð utanríkisráðherra í málinu hefur brennt það meiri háttar ólögmætismarki og ógildiságalla.
- Tilteknir þættir þurfa svo án nokkurs vafa að sæta refsiréttarlegri nálgun og rannsókn, m.a. í ljósi laga um ráðherraábyrgð og Landsdóm.
Í ljósi alls framangreinds tilkynnist hér með að hafin er söfnunar til þess að fjármagna umrædd lögfræðistörf og rannsóknarvinnu og er lágmarkskostnaður áætlaður um kr. 1.500.000.
Margt smátt gerir þó eitt stórt og dropinn holar steininn. Því gagnast vitanlega eitthvað minni fjárhæð í þessu risavaxna grundvallarmálefni okkar allra sem í raun má jafna til neyðarvarnaraðstöðu gagnvart þeirri atlögu sem nú er hafin varðandi fullveldi okkar og sjálfstæði og þá um leið réttaröryggi og væri þá unnt að rannsaka og vinna einhvern tiltekinn hluta framangreindra töluliða og efnisþátta eftir því sem til fellur eða að berst. Ljóst má vera að lögfræðivinna þessi getur skipt miklu máli fyrir fullveldis- og mannréttindavernd og þá um leið velferð allra Íslendinga um ókomna tíð í víðtæku stjórnarfarslegu, lýðræðislegu og réttaröryggislegu tilliti.