BlackRock hefur tekið sæti við samningaborðið um framtíð Úkraínu – í miðjum hættulegum leik að gera frystar eigur Rússa upptækar að andvirði hundruðum milljarða evra. Með Larry Fink, forstjóra BlackRock í leiknum verður leitast við að ESB beri alla lagalega áhættu sem gæti valdið aðildarríkjunum og íbúum þeirra gríðarlegu tjóni. Gagnrýnin eykst á efnahagsleg valdaskipti í miðjum stríðsátökum.
Þegar Larry Fink, forstjóri BlackRock, mætti á fund með Volodymyr Zelensky, forseta Úkraínu, þann 10. desember, vakti það hörð viðbrögð. Viðræðurnar snerust um endurreisn Úkraínu, en innihaldið nær langt út fyrir innviði og efnahagsaðstoð.
Upplýsingar frá mörgum heimildum benda til þess að BlackRock gæti orðið lykilmaður í því hvernig eigur rússneskra ríkisins verða notaðar. Zelensky lýsti sjálfur fundinum sem þeim fyrsta í röð funda til að vinna áætlun um bata og efnahagslega endurreisn. Þátttakendur á fundinum voru meðal annars Fink, fjármálaráðherra Bandaríkjanna, Scott Bessent, og tengdasonur Donalds Trump, Jared Kushner, sem sat við hliðina á Fink.
Frá endurreisn til stefnumótandi valds
Áætlanirnar sem ræddar eru fela í sér hundruð milljarða evra í frystum eignum rússneska seðlabankans. Samkvæmt WirtschaftsWoche á að nota þessa fjármuni– sem eru aðallega geymdir í Belgíu – til að fjármagna einkafjárfestingar í Úkraínu, þar sem bandarísk fyrirtæki verða í fararbroddi.
Hans Erixon, sérfræðingur í samtökum glóbalista eins og Alþjóðaefnahagsráðinu World Economic Forum og alþjóða fjármálaaðilum eins og BlackRock, segir í viðtali við Frelsisfréttir:
„Féð mun vissulega fara til endurreisnar og það verða fyrst og fremst vestræn fyrirtæki aðallega í Bandaríkjunum, sem munu annast uppbygginguna.“
Erixon varar við því að þróunin snúist ekki um tímabundnar fjárfestingar heldur um langtíma stjórn:
„Hvað ætla þeir að gera við alla Úkraínu? Stofna einkaríki. Og þar verða það stóru fyrirtækin og þessir risar sem munu ákveða, þegar kemur að matvælaframboði, hvernig þeir muni nýta jörðina og hvernig þeir nýta aðra hluti.“
Ólögmæt ákvörðun ESB að leggja hald á féð án dómsúrskurðar
Samtímis vinnur ESB að því að nota rússneskar eignir sem veð fyrir ný lán til Úkraínu, án þess að eignirnar verði formlega gerðar upptækar. Belgía hefur andmælt áætluninni og vísað til þess að hún sé brot á alþjóðalögum. Samkvæmt Bart De Wever forsætisráðherra eru lagalegar ábyrgðir nauðsynlegar, annars á Belgía á hættu að verða ein ábyrg í réttarhöldum framtíðarinnar.
Erixon telur að það sé einmitt ESB sem beri stærstu áhættuna í þessu fyrirkomulagi:
„Hagnaðurinn mun renna til BlackRock. En áhættan verður borin af ESB. Ef Rússland krefst bóta þá verður ESB málsaðilinn á meðan bandarísk fyrirtæki ná peningunum til sín.“
Margir telja þá staðreynd að Larry Fink tekur beinan þátt í samningaviðræðum núna vera merki um nýja valdaskipan. Fjármálafyrirtæki hafa ekki lengur aðeins áhrif á stefnu yfirvalda, þau skrifa hana sjálf.
Á X lýsir DD Geopolitics því sem breytingu á Úkraínustríðinu:
„Við höfum farið frá peningadrifinu umboðsstríði yfir í einkavætt endurreisnarbrask og núna sitja alþjóðlegir fjárfestar og fasteignavinir Trumps bókstaflega við samningaborðið þar sem samið er um stríðssvæði.“
Samkvæmt mörgum greinendum er augljóst að BlackRock með Larry Fink í fararbroddi er ekki lengur fjárfestingarsjóður heldur aðili með bein áhrif á pólitíska framtíð Evrópu. Spurningin er því ekki lengur einungis hvað verður gert með rússnesku eignirnar, heldur hver það er í raun og veru sem ræður yfir enduruppbyggingu Úkraínu.