Bandaríkin munu nota ríkisfé til að efla tjáningarfrelsi í löndum evrópskra bandamanna. Sarah Rogers, aðstoðarutanríkisráðherra sagði þetta í heimsókn meðal annars til borganna Dublin, Búdapest, Varsjár og München, að sögn Reuters.
Átök eru á milli Washington og evrópskra stjórnvalda varðandi lög um samfélagsmiðla. Bandarísk stjórnvöld skilgreina lög ESB um stafræna þjónustu (DSA) og lög Bretlands um öryggi á netinu sem ritskoðun sem hamlar tjáningarfrelsi og þá sér í lagi gagnrýni á innflytjendastefnuna. Samtímis setur hin stafræna ritskoðun miklar kröfur á bandarísk tæknifyrirtæki.
Meðmælendur ritskoðunarinnar – stjórnmálamenn í Evrópu – halda því fram að lögin séu nauðsynleg til að sporna gegn „hatri“ og „rangfærslum.“ Rogers leggur áherslu á að hún geti greitt bandaríska styrki til aðila sem berjast gegn ritskoðun:
„Ein leið sem skrifstofa mín mun vinna öðruvísi er að við munum vera mjög heiðarleg og gagnsæ í öllu sem við gerum. Ég vil efla tjáningarfrelsi í vestrænum bandalagsríkjum og það er það sem styrkur minn snýst um.“
Í þjóðaröryggisstefnu Bandaríkjastjórnar eru evrópskir leiðtogar sakaðir um að takmarka tjáningarfrelsi og bæla niður andstöðu við innflytjendastefnu sem gæti leitt til „siðmenningarlegrar tortímingar“ Evrópu.
Bandaríkin hafa einnig bannað vegabréfsáritun fyrrverandi framkvæmdastjóra ESB og fjóra einstaklinga sem vinna gegn „rangfærslum.“ Evrópskir stjórnmálamenn fordæma aðgerðir Bandaríkjastjórnar og verja rétt sinn til að setja lög um hvernig erlend fyrirtæki geta starfað á evrópskum markaði.
Rogers hafnar þeirri hugmynd að Bandaríkin myndu lenda í átökum við meirihluta almennings í Evrópu um málefni eins og innflytjendamál og vísar til skoðanakannana í þeim málum. Hún segir:
„Bandaríska ríkisstjórnin tekur mikinn þátt í málefnum tjáningarfrelsis bæði í gegnum mig og aðra. Það er ekki hægt að hafa fullveldi án tjáningarfrelsis. Það er ekki hægt að hafa lýðræðislegar umræðu ef skoðanir eru bannaðar á opinberum vettvangi.“