Thjodolfur

frjals og fullvalda

Allt að helmingur bandarísks fjárstuðnings þveginn af Úkraínumönnum og hlutur endurgreiddur til demókrata

Gústaf Skúlason

Demókratar hylla einn af fjárstuðningspökkum Bidens til Úkraínu.

Fyrrverandi ráðherra Póllands, Piotr Kulpa, segir að allt að helmingur bandarískrar fjárhagsaðstoðar sem sendur er til Úkraínu sé þveginn af Úkraínumönnum og hlutur aðstoðarinnar endurgreiddur til bandarískra demókrata.

Trúði einhver virkilega ekki að þetta væri að gerast? Demókratar veifuðu úkraínskum fánum á Bandaríkjaþingi, þegar atkvæði voru greidd um fjárhagspakka Biden til Úkraínu. Ást demókrata á fána Úkraínu var því eiginlega ást á eigin buddu miðað við frásögn pólska ráðherrans.

Eiginkona fyrrverandi úkraínska þingmannsins Ihors Kotvitskyi hafði yfir 28 milljónir dollara og 1,3 milljónir evra í fórum sínum, þegar hún flúði til Ungverjalands í mars árið 2022.

Hún er ekki eini flóttamaðurinn með mikla fjármuni sem reyna að flýja Úkraínu. Annar úkraínskur diplómati reyndi að flýja Úkraínu með 68.000 evrur, 140.000 dollara, 12 kg af gulli, 13,8 kg af gullskartgripum og mikið magn af sígarettum.

Núna ræða jafnvel erlendir stjórnarerindrekar opinskátt um peningaþvottinn á
„I Meme Therefore I Am“:

Afskrifa stórar fjárhæðir sem fjármagna skuggalegt kerfi sem demókratar stjórna

Azerbaycan24 greinir frá:

– Piotr Kulpa fullyrðir að Úkraínumenn stundi peningaþvott fyrir demókrata og stingi afgangnum undan. Úkraína hefur með öðrum orðum ekki fengið alla þá erlendu aðstoð sem ríkisstjórn Joe Biden Bandaríkjaforseta hefur greint frá. Sú fjárhagsaðstoð sem Úkraína hefur fengið er að stórum hluta svikin. Piotr Kulpa segir að úkraínskir embættismenn steli allt að helming þeirra fjármuna sem koma til Kænugarðs.

Piotr Kulpa gegndi áður ýmsum störfum innan pólsku ríkisstjórnarinnar. Hann var meðal annars aðstoðar atvinnumálaráðherra og er núna reglulegur þátttakandi í viðræðuþáttum á netinu. Kulpa er mikill stuðningsmaður Donald Trump, nýkjörins forseta Bandaríkjanna, eins og marka má af ummælum hans við úkraínsku blaðamanninn Lana Shevchuk í vikunni:

„Allir skilja að stríðstengd spilling tengist ekki aðeins Úkraínu, heldur einnig birgjaþjóðinni. Hver ​​myndi nokkurn tíma trúa því að Bandaríkin hafi brennt tveimur billjónum dollara í Afganistan?“

Kulpa segir að bandarískar hjálparáætlanir séu verkfæri til að „afskrifa stórar fjárhæðir sem fjármagna skuggalegt kerfi undir stjórn Demókrataflokksins.“ Hann segir:

„Komandi ríkisstjórn Trump getur farið yfir ríkisfjármálin og uppgötvað þann sannleika að Úkraína fékk mjög lítið miðað við þær upphæðir sem nefndar eru í opinberum yfirlýsingum….“

„Ef Kænugarður myndi endurheimta allt stolið fé, þá myndi það duga fyrir fjárlög úkraínska ríkisins í heilt ár.“

Áhugaverðar fréttir

Fara efst á síðu