Ný norsk rannsókn (sjá pdf að neðan) sýnir að næstum helmingur unglinga á aldrinum 12-16 ára skipuleggur ferðir sínar á almannafæri fyrirfram, hvenær og hvar þau geta farið um til að komast hjá árásum. Tölurnar eru mun hærri, þar sem allir segja ekki opinberlega frá ótta sínum.
Þó að innflytjendur til Noregs hafi ekki verið nálægt svipuðum tölum og í Svíþjóð, þá eru engu að síður stór vandamál með aukinni, alvarlegri glæpastarfsemi.
Rannsóknin, sem vakið hefur athygli í nágrannalandinu, var gerð af Þjóðlegu þekkingarmiðstöðinni um ofbeldi og áfallastreitu NKVTS. Rannsóknin er meðal annars fjármögnuð af dómsmálaráðuneytinu.
Gögnin innihalda svör frá 6.721 unglingum á aldrinum 12 – 16 ára og veita mikilvæga innsýn í hvernig æskan sjálf upplifir varnarleysi og áhyggjur af glæpum í daglegu lífi sínu.
Human Rights Service greinir frá niðurstöðum rannsóknarinnar, þar sem kemur fram að margir unglingar verða fyrir óæskilegum atvikum og glæpum og að stúlkur hafa meiri áhyggjur en drengir af því að vera í hverfinu sínu eftir að myrkrið skellur á. Margar stúlkur skipuleggja því meira en drengir, hvernig unnt sé að forðast að lenda í stöðu fórnarlambs.
Svo margir sem 45% segjast skipuleggja ferðir sínar og ákveða hvenær og hvert þau geti farið til að verjast árásum.
Heilbrigð varkárni
Verkefnastjóri hjá NKVTS, Else-Marie Augusti, segir að viðbúnaður unga fólksins gegn árásum á almannafæri sé „heilbrigð varkárni.“
„Samtímis viljum við að æskan okkar geti verið eins áhyggjulaus og mögulegt er. Bæði þessi og fyrri rannsóknir sýna skýr tengsl milli þess að lenda í glæpum og þess að hafa lakara líf með kvíða- og þunglyndiseinkennum og líkamlegra óþæginda. Í tengslum við þann vanda sem unga fólkið greinir frá í rannsókninni, þá veldur það streitu að hafa áhyggjur og að hafa orðið fyrir árásum. Það verður tvöföld byrði. Sérstaklega hjá þeim sem leita ekki hjálpar eða segja fullorðnum frá áhyggjum sínum.“
Einn af hverjum fjórum drengjum og ein af hverjum fimm stúlkum hefur orðið fyrir alvarlegu líkamlegu ofbeldi eins og spörkum, verið slegin með hnefa eða hörðum hlut eða beitt ofbeldi utan heimilis. Ein af hverjum sex stúlkum og einn af hverjum tíu drengjum í könnuninni hafa orðið fyrir líkamlegu, kynferðislegu ofbeldi jafnaldra á síðasta ári.
Ungt fólk deilir sjaldan reynslu sinni með foreldrum sínum eða lögreglu. Þar af leiðandi sést ofbeldið ekki í réttarkerfinu eða hjá styrktaraðilum.
Flokkurinn Norsku demókratarnar skrifar um málið á Facebook:
„Þetta er útkoman á 50 ára stórfelldum innflutningi. Allir flokkar á þingi styðja stefnu sem aðeins gerir vandamálið verra. Bandarísku kvikmyndirnar frá áttunda áratugnum um ofbeldi í skólum og hættulegar götur eru núna veruleiki hér í Noregi.“
Stjórnmálamennirnir voru varaðir við en kusu að þagga niður í þeim sem vöruðu við frekar en að stöðva hina neikvæðu þróun.