Heiminum, ekki síst þeim vestræna, er stjórnað af hópi ólígarka eða alþjóðlegum fjárhagsmunaaðilum sem líkja má við mafíu. Mafían hefur engan einn einstakan leiðtoga en starfar saman og hittist á sameiginlegum fundum. Þangað er síðan stjórnmálamönnum boðið.
Mikael Willgert segir í Swebbtv (sjá myndskeið að neðan): „Mafían kaupir stjórnmálamennina okkar.“
„Allt bendir til þess að þær ákvarðanir sem teknar eru á sænska þinginu séu beint eða óbeint stjórnað af fjármálamafíunni og fjölmiðlum þeirra.”
Ræðst gegn friðarviðleitni Viktor Orbáns
Mikael Willgert, aðalritstjóri Swebbtv, veitist harkalega gegn „stríðsæsingi“ valdaelítu Svíþjóðar. Þegar Viktor Orbán, forsætisráðherra Ungverjalands, fór nýlega til Rússlands til að ræða friðarmöguleika, þá fullyrti Ulf Kristersson, forsætisráðherra Svíþjóðar, að verið væri að „senda röng merki til umheimsins og samtímis móðga úkraínsku þjóðina.“ Willgert segir:
„Það er orðin útbreidd skoðun, að það sé kolrangt að stuðla að friði. Hér höfum við rofið langa hefð okkar. Það er augljóst, að við verðum að vinna að friði. Hvernig endar stríðið í Úkraínu annars ef það endar ekki með friði?”
„Er það virkilega svo, að stjórnmálamenn okkar trúa því að Pútín muni enda eins og Hitler í neðanjarðarbyrgi, þar sem hann verður drepinn? Þessu er öfugt farið. Rússland hefur aðeins orðið sterkara og við höfum orðið veikari.”
Völd fjármálaaflanna meiri en margra þjóðríkja
Willgert segir, að stefna Bandaríkjanna snýst í raun um að halda Rússlandi úti, Þýskalandi niðri og Bandaríkjunum inni. „Það er það sem við sjáum hér. Um það snýst baráttan.” Willgert segir:
„Bandaríkjaher hefur ekki þarfir almennings að leiðarljósi. Hann er ekki til að vernda Bandaríkin. Hernum er stjórnað til að vernda hagsmuni fjármálafjölskyldna, heimsmafíunnar. Lýðræðið virkar ekki lengur. Þessir hagsmunir hafa svo gífurlegt vald, – meiri völd en sum þjóðríki.”
„Heimsmafíunni hefur hefur verið leyft að ná inn með fjölmiðlum sínum og taka yfir stjórn margra þjóðríkja, þar á meðal Svíþjóð. Þessi hópur, heimsmafían, eða fjármálamafían eða ólígarkarnir, eða alþjóðlegir fjármálahagsmunir – hvaða nafni sem við veljum að kalla þennan hóp – hefur engan einn leiðtoga sem ræður öllu. Þetta virkar eins og mafía, þar sem fólk togar í mismunandi strengi. En þeir vinna saman og hittast á sameiginlegum fundum. Þangað er stjórnmálamönnum okkar boðið til að gefa skýrslur og fá upplýsingar um hvaða stefna er í gildi.”
Kaupa stjórnmálamenn
Þá sér mafían til þess, að stjórnmálamönnunum sé umbunað með vel launuðum störfum í sínum samtökum. Að sögn Willgert, þá kaupir mafían einfaldlega stjórnmálamennina okkar:
„Það eru gríðarlega auðugar fjármálafjölskyldur sem starfa kynslóð fram af kynslóð. Þeir byggja upp reynslu og hæfni sem spannar aldir um hvernig eigi að hagræða almenningsálitinu og hvernig eigi að nota lýðræðið til að stjórna því. Allt bendir til þess að ákvarðanir á þjóðþingi Svíþjóðar séu teknar undir áhrifum fjármálamafíunnar beint eða óbeint undir áhrifum fjölmiðla þeirra.”
Hér að neðan má hlýða á sumarræðu Mikael Willgerts:
