Í nýju viðtali við Swebbtv er farið yfir stöðu Úkrínustríðsins. Margt kemur þar fram, meðal annars að Rússar geti ekki svikið sex milljónir rússneskt talandi í austurhluta Úkraínu sem vilja vera hluti Rússlands í stað Úkraínu. Eitt af fyrstu kröfum Rússlands er að rússneskt talandi fólk verði viðurkennt. Belyaev segir að engin ríkisstjórn neins staðar ætti að fylgja hugmyndum nazismans um óæðra fólk en Zelenský geri það. Rússar eru gerðir útlægir á mörgum stöðum, eru orðnir gyðingar nútímans.
Rússneski sendiherrann í Svíþjóð er í viðtali við Swebbtv (sjá að neðan, viðtalið er á ensku). Sergey Belyaev segir Vesturlönd afneita róta vandans í Úkraínu. Þau hafi tvöfalt siðgæði. Hann tekur sem dæmi að núna sé mikið af fréttum um hversu ástandið sé slæmt fyrir íbúa Kænugarðs, sem skorti rafmagn og mikill kuldi ríkir:
„Þegar Úkraínumenn gerðu sama hlut gegn íbúum Donetsk, Donbass í heild sinni og fólk þjáðist í kulda og vatnsskorti, þá var enginn sem hafði áhyggjur af því, þetta var á árunum eftir 2014. Það voru átta ár af átökum áður en Rússland gerði sína sérstöku hernaðaraðgerð. Þetta voru innanlandsátök, innbyrðis stríð.”
Rússneski sendiherrann fékk spurningu um hvort Rússland ætlaði að taka yfir stjórnina á allri Úkraínu og svaraði:
„Við viljum ekki taka stjórnina yfir öðrum löndum og við viljum ekki skipta út ríkisstjórnum annarra landa. Það er kannski ekki pólitískt rétt að segja það en það er mjög áhugavert og skrýtið að lesa um hvað Svíar eru hræddir við rússnesk áhrif á sænskar kosningar. Ég hef ekki fengið neitt slíkt verkefni frá forsetanum mínum eða ríkisstjórninni að leggja mig í innanríkismál í Svíþjóð til að reyna að hafa áhrif á það sem gerist í Svíþjóð. Hins vegar veit ég með vissu, að sænska sendiráðið í Moskvu vinnur af krafti með stjórnarandstöðunni í Rússlandi.”
Umræðurnar snérust einnig um frið og hvernig Rússar líta á friðarhorfur í Úkraínu. Belyaev segir að Rússar hafi ekki áhuga á að semja um stundarfrið til þess að stríðið gæti svo haldið áfram síðar. Hann telur ekki að uppgjöf Úkraínu sé rétt lausn og vitnar í finnska forsetann Juha Kustyapasikin sem sagði að það að skilningur á raunveruleikanum væri upphaf viskunnar. Fyrirspyrjandinn Mikael Willgert spurði, hvort sendiherrann vonaðist þá eftir því að Úkraínumenn myndu skilja raunveruleikanna og breyta sér síðan. „Fyrr eða síðar gera þeir það” svaraði sendiherrann. Sendiherrann sagði einnig síðar í viðtalinu:
„Skoðun mín er að það sé betra að eiga saman viðskipti og vera í samstarfi heldur en að berjast hver við annan. Besta leiðin til að ná stöðugleika er með eðlilegum tengslum og þá er ég ekki bara að tala um diplómatísk sambönd heldur eðlileg samskipti á öllum sviðum.”
Hann fullyrðir að rússneska sendiráðið í Stokkhólmi sé undir viðskiptaþvingunum. Þeir eiga jafnvel erfitt með að fá hita í sendiráðið. Sendiráð eru greinilega talin hluti af byggingum rússnesku stjórnarinnar. Núna eru margar þjónustur bannaðar fyrir okkur. Þannig var það aldrei á tímum kalda stríðsins, útskýrir hann:
„Þetta er raunveruleikinn. Margir af starfsmönnum mínum hafa ekki einu sinni bankareikninga eða bankakort hérna í Svíþjóð. Og eins og þið vitið, þá er frekar erfitt að lifa á reiðufé eingöngu í þessu landi.
Ég skil tilganginn. Einhver vill gera líf okkar eins óþægilegt og mögulegt er.
Belyaaev segir að þegar hann gekk með börnum sínum í Gamla bænum, þá hafi hann þurft að fara á nokkur kaffihús áður en hann fann eitt sem tók við reiðufé. Rússar hafa verið gerðir að útlögum í Evrópu. En Svíþjóð er á vissan hátt verst, einmitt vegna þess hversu lítið er tekið á móti reiðufé í samfélaginu:
„Ég á peninga í vasanum en get ekki gefið börnunum mínum heita drykki. Og auðvitað er það óþægilegt en ég get verið áfram. Ég get lifað með því.
Smelltu á spilarann hér að neðan til að horfa á þáttinn: