ESB þingkonan Helén Fritzon frá krataflokki Svíþjóðar ræðst harkalega að Orbán í sænskum fjölmiðlum í dag
Sósíaldemókratískir ESB-þingmenn taka afstöðu gegn Viktor Orbán fyrir kosningarnar í dag í aðsendri grein í sænska Expressen. Sósíaldemókratar hafa sömu stefnu og róttæki þjóðernissinnaflokkurinn Mi Hazank í Ungverjalandi, sem vill frekar að Tisza vinni kosningarnar í dag en Fidesz.
Sósíaldemókratísku Evrópuþingmennirnir Evin Incir og Helén Fritzon ráðast á Viktor Orbán og benda á hann sem vandamál. Þau vilja að Orbán tapi fyrir Magyar og flokki hans Tisza. Þrátt fyrir að Tisza myndi flokkast sem útlendingaandstæðingaflokkur samkvæmt mælikvörðum sósíaldemókrata. Tisza er til dæmis fylgjandi strangari innflytjendastefnu en Fidesz og flokkurinn er andvígur kvótakerfi ESB um dreifingu innflytjenda. Magyar hefur gagnrýnt stefnu Orbáns í vinnuaflsinnflutningi og sakað hann um að stunda mannfjöldaskipti með henni. Samkvæmt sósíaldemókratískum áróðri eru mannfjöldaskipti rasísk samsæriskenning.
Sósíaldemókratísku ESB-þingmennirnir eru auk þess í sama báti og róttæki þjóðernissinnaflokkurinn Mi Hazank í Ungverjalandi og formaður hans László Toroczkai. Hann telur nauðsynlegt að Tisza vinni til að Fidesz flokkur Orbáns hrynji, sem hann lýsir í viðtali við ungverska blaðið 444. Mi Hazank og Toroczkai hafa, líkt og Tisza, sakað Orbán og Fidesz um að hafa hleypt spillingu í Ungverjalandi inn á gafl. Í sama viðtali segir Toroczkai að hann muni krefjast þess að Orbán setji á fót stofnun gegn spillingu ef Mi Hazank verður vogarskál á þingi. Toroczkai hefur ekki mikið álit á Magyar og Tisza, en telur að Fidesz sé orðið vandamál fyrir Ungverjaland.
Samfélagsrýnandinn Ronie Berggren sem tengist Svíþjóðardemókrötum hefur lýst yfir stuðningi við Orbán á X. Færslan vakti viðbrögð hjá þingmanni Moderata, Jan Ericson sem segir í svari að Orbán sé spilltasti stjórnmálaleiðtogi í Evrópu.