William Happer, prófessor emeritus í eðlisfræði við Princeton háskólann, segir í viðtali (sjá X að neðan) að loftslagsmálin séu veruleikinn á hvolfi. „Nettó núll“ mun ekki bjarga heiminum, heldur þvert á móti – það mun eyðileggja heiminn og rústa lífskjörum almennings.
Í viðtali við Freedom Research varar prófessor William Happer hvað harðast við „nettó-núll“ stefnu stjórnmálamanna.
Þetta er hrikaleg stefna.
Að sögn Happers eru loftslagsmálin knúin áfram af peningum, völdum og hræðslu.
Þetta snýst um gríðarlegar fjárhæðir, útskýrir hann:
„Það er vissulega rétt að peningahungur hefur verið rót alls ills frá því að mannkynið varð til. Við erum hér að tala um trilljónir dollara.
Ef maður stefndi virkilega að nettó núlli, þá yrðu efnahagslegu afleiðingarnar gríðarlegar. Fólk yrði neytt til að minnka lífskjör sín verulega, það myndi valda gríðarlegu tjóni á umhverfinu – jörðin yrði hlaðin vindorku og sólarplötum.
Drifkrafturinn eru peningar. Margir græða mikið fé. Drifkrafturinn eru peningar og völd. Þetta er knúið áfram af vesalings fólki sem hefur verið blekkt til að trúa því að það ríki raunverulegt neyðarástand. Og hver vill ekki bjarga plánetunni ef hún er í hættu? Hún er í rauninni ekki í neinni hættu. En margir eru sannfærðir um að svo sé. Máltækið segir: Vegurinn til helvítis er malbikaður góðum ásetningi. Og við erum á leiðinni til helvítis með nettó-núll.“