Prestur varar við sprengjuárásum við embættistöku Trumps – sá fyrir banatilræðið við Trump

Presturinn Brandon Biggs varð þjóðþekktur eftir að hann spáði nákvæmlega fyrir um banatilræðið á Donald Trump þremur mánuðum áður en það gerðist í Pennsylvaníu. Núna kemur hann með mikla aðvörun til allra Bandaríkjamanna eftir að hafa fengið sýn um víðtæka, skipulagða árás sem beinist gegn Trump, eigum hans og helstu kennileitum Bandaríkjanna.

Biggs varar við samræmdum árásum á tíu stærstu borgir Bandaríkjanna sem áætlað er að falli saman við embættistöku Trumps. Segir Biggs að ráðist verði á dæmigerðar eigur Trumps og kennileiti í Bandaríkjunum. Samkvæmt myndskeiði sem Biggs birti á YouTube (sjá hluta þess á rumble að neðan), þá eru þessar árásir ekki einangruð hryðjuverk heldur vel undirbúnar stríðsaðgerðir erlends ríkis eða ríkja sem ætlað er að mola sundur ímynd Donald Trumps og áhrif hans.

Sprengjuárásir í tíu helstu borgum Bandaríkjanna

Presturinn lýsir því að hafa séð „stóra flutningabíla“ brynvarða og fulla af sprengjum sem búnar eru til úr áburði í svipuðum stíl og notað var í hinu hrikalega sprengjuódæði sem framið var í Oklahoma City 19. apríl 1995. Biggs varar við því að fyrir utan að eyðileggja eigur Trumps eins og Trump Tower og golfvelli, þá er markmið þessara samræmdu árása að valda usla og ótta meðal Bandaríkjamanna því einnig verður ráðist á dæmigerð þjóðleg kennileiti eins og þinghúsið Capitol í Washington.

Hann heldur því fram að net eitt þúsund þjálfaðra vígamanna sé dreift um tíu helstu borgir Bandaríkjanna með 100 vígamönnum í hverri borg. Er um þjálfaða og vel undirbúna hermenn að ræða sem eru kostaðir af Íran og um sé að ræða hefndaraðgerð vegna aftöku Bandaríkjanna á Qasem Soleimani herforingja Íslamska Byltingarvarðliðsins. Vígamennirnir hafa laumað sér inn í landið aðallega gegnum göng eiturlyfjasmyglara á suðurlandamærunum en einnig komið inn að norðanverðu.


Frásögn Biggs

„Mér var færð sýn með allt fyrir framan mig. Ég sá landbúnaðartæki. Ég sá gríðarstór landbúnaðartæki sem voru… Það leit út fyrir að þessi landbúnaðartæki væru á austurströndinni. Það voru síló. Drottinn sagði: Ég vil að þú einbeitir þér að áburði.…

Ég sá risastóra trukka með vagna að aftan með 50 stykki 75 lítra hólka sem allir voru fylltir af mismunandi efnum til að skapa svipaðan usla og gerðist í Oklahoma City á tíunda áratugnum. Það gerðist á tíunda áratugnum. Þetta voru gríðarlega stórir hlutur, ekki svart duft, heldur þetta áburðarefni. Ég sá áburð í stórum vörubíl. Trukkurinn var eins og stórt dísil vinnutæki. Þeir litu út eins og byggingarverkamenn. Þeir höfðu keypt gríðarstórt farartæki sem notað er í byggingariðnaði, eins og vörubíll.

Þeir lögðu þetta allt í farartækið svo það gæti valdið stórslysi. Þeir gerðu framhlið tækisins brynvarða og skothelda. Það er ekki hægt að stöðva tækið með því að skjóta á það. Afar, afar sterk brynja var framan á þessum vörubíl og undir honum. Vel falin og erfitt að sjá. Ég sá þessa menn og þeir áttu eftir að fara á marga mismunandi staði svo þið verðið að hlusta á það sem ég er að reyna að segja ykkur öllum. Ég sá þessa menn klæddum vestum í fremri stýrishúsi vörubílsins.

Klæddir vestum. Þeir voru með sprengjur á þessum vestum. Tveir menn voru í vörubílnum. Þeir tóku vörubílinn og notuðu hann til að keyra í gegnum varnir lögreglu og öryggisgirðingar í Washington, DC. Þegar þeir gerðu þetta, þá var reynt að stöðva þá vegna þess að þeir voru við eftirlitsstöð en þeir keyrðu gegnum girðinguna, því vörubíllinn var mjög sterkur.

Þegar þeir náðu þeim og umkringdu, þá sprengdu þeir vestin sín og tóku alla með sér. Þegar það gerðist þá myndaðist risastór gígur í jörðinni og allar byggingar þurrkuðust gjörsamlega út. Þeir reyndu að komast eins nálægt höfuðborginni og þeir gátu. Ég sá þá reyna að komast eins nálægt höfuðborginni og þeir gátu, helstu kennileitum Washington, DC.“


Sprengjuefni hafa horfið á undanförnum árum

Tengja má ofangreinda sýn prestsins Biggs við fréttir um hvarf 60.000 punda af ammóníumnítrati í lest frá Wyoming til Kaliforníu. Þetta efni er bæði notað sem áburður og sprengiefni. Dyno Nobel sagði að efnið væri „týnt af óþekktum orsökum.“ Enginn getur útskýrt hvað gerðist í raun og veru. Embættismenn í Kaliforníu hófu fjórar aðskildar rannsóknir til að kortleggja aðstæður við hvarf efnanna. Bigg segir í aðvörun sinni:

„Drottinn sagði: Í sjálfu sér er þetta ekki hryðjuverk. Þetta er í raun stríðsaðgerð.“

„Þetta er ríkisstjórn annars lands sem fer í stríð gegn Bandaríkjunum sem látið er líta út eins og hryðjuverk. Þið munuð á næstu dögum sjá mikla skelfingu sem í vændum er, vegna þess að fyrri stjórnir hafa ekki sinnt starfi sínu til að tryggja landamærin. Ekki bara á suðurhlutanum, þetta snýst líka um norðurlandamærin. Ég er að vara ykkur við til að biðja svo að við getum beðið, þetta er ekki ákall óttans heldur ákall bænarinnar. Ég sá miklar áætlanir og mikinn undirbúning hjá þessum mönnum til að reyna að stöðva embættistökuna.“

Þó að skilaboðin séu skelfileg, þá fullyrðir Pastor Biggs að þeim sé ekki ætlað að vekja ótta heldur að vekja Bandaríkjamenn til bænar og árvekni.

„Við biðjum bænir gegn þessu sem ég hef séð koma. Það er okkar starf. Ég bið fyrir verndarhendi yfir fjölskyldum ykkar. Ég bið fyrir verndarhendi yfir forseta okkar, yfir höfuðborg Bandaríkjanna. Við biðjum fyrir Hvíta húsinu. Við biðjum margs konar bænir vegna þess að þetta er mjög dökkt það sem þeir eru að reyna að gera.“

Hér að neðan er myndskeiðið með lýsingu Biggs á þeirri sýn sem hann sá:

Spáði fyrir um banatilræðið við Trump í Pennsylvania

Á 11. mínútu myndskeiðsins að neðan sem tekið var upp þremur mánuðum fyrir banatilræði Trumps í Butler, Pennsylvaníu, sagði Biggs:

„Ég sá Trump rísa upp og þá sá ég banatilræði við hann. Þessi byssukúla flaug um eyrað á honum og hún kom svo nálægt höfðinu á honum að hún rauf hljóðhimnuna á honum. Hann féll á kné á þeirri stund og tilbað Drottin. Á þeirri stundu varð hann endurborinn, þegar fólk sagði að hann væri óhultur. Hann brennur fyrir Jesús.“

Fara efst á síðu