Magyar Nemzet greinir frá því að Viktor Orbán, forsætisráðherra Ungverjalands vari við því að Úkraína segist núna þurfa 800 milljarða dollara á næstu tíu árum.
Í færslu á Facebook fullyrðir Viktor Orbán, forsætisráðherra Ungverjalands, að Úkraína þurfi enn meiri peninga, þ.e. 800 milljarða dollara, um það bil rúmlega 101 þúsund milljarða íslenskra króna. það má bera saman við fjárlög íslenska ríkisins 2025 með heildartekjur upp á 1,42 þúsund milljarða íslenskra króna. Það þýðir að Úkraína vill fá ríflega 71 fjárlög íslenska ríkisins á næstu tíu árum. Hvar mun ríkisstyrkur Íslands til Úkraínu skrifast inn í fjárlögin?
Orbán skrifar:
„Úkraína hefur sent enn einn reikninginn. Að þessu sinni upp á 800 milljarða dollara. Það er það sem þau þurfa á að halda á næstu tíu árum til að geta stjórnað landi sínu. Stjarnfræðileg upphæð. Næstum fjórum sinnum landsframleiðsla Ungverjalands.“
Að sögn Orbáns er þetta ástæðan fyrir því að ESB reyndi að taka frystar rússneskar eignarnámi og ástæðan fyrir því að það verður að endurskipuleggja fjárhagsáætlun ESB frá grunni.
„Átvaglið“ vill meira, segir ungverski leiðtoginn.
Hann bendir einnig á að Brussel hafi fundið bandamenn í Ungverjalandi til að fjármagna áætlunina í stjórnarandstöðuflokknum Tisza. Og það er það sem ungverska þjóðin getur búist við ef Tisza kemst til valda í landinu eftir ungversku þingkosningarnar í apríl, segir hann.
Þeir sem greiða þessar upphæðir til Úkraínu munu skaða sína eigin þjóðir og samfélög og að lokum snúa fólkinu gegn sér, útskýrir Orbán.