Bretar eru að springa úr reiði gagnvart Keir Starmer leiðtoga Verkamannaflokksins. Keir Starmer var saksóknari krúnunnar 2008-2013 þegar upp komst um umfangsmikið barnaníð á mörgum stöðum í Bretlandi. Eitt stærsta hneykslið var um pakistanskan barnaníðshring sem níddi um 1400 börn í Rotherdam í Bretlandi. Níðingarnir komust upp með ofbeldið, því fáir þorðu að standa með börnunum og taka upp baráttu gegn ódæðismönnunum af ótta við að vera stimplaðir rasistar. Lögreglan brást skyldu sinni af ótta við rasistastimpilinn. Tommy Robinson tók upp baráttu fyrir börnin og var varpað í fangelsi af sama manni og hylmdi yfir hina múslímsku ódæðismenn: Keir Starmer núverandi forsætisráðherra Bretlands.
26. apríl voru 25 karlmenn dæmdir í samanlagt 346 ára fangelsi fyrir barnaníð, mansal, nauðganir, kynlífssmygl og aðra tengda kynlífsglæpi í Leeds. Lesa má um þá glæpi og sjá greinar um barnaníðshringi erlendra manna m. fl. í Bretlandi sem bandaríski miðillinn The Gatwaypundit hefur tekið saman. Núna reynir Verkamannaflokkurinn að koma í veg fyrir að þáttur Keir Starmers sem æðsta saksóknara krúnunnar verði rannsakaður. Þetta hleypir afar illu blóði í Breta sem hafa þurft að horfa upp á að nauðgurum og morðingjum hefur verið sleppt úr haldi í fangelsum til að rýma fyrir stjórnarandstæðinga ríkisstjórnarinnar eins og Tommy Robinson.
Starmer mistókst hrapallega og sumir segja glæpsamlega við rannsókn á barnaníðingsmáli í Oldham, þar sem þúsundum stúlkna var fjöldanauðgað, seldar mansali og níddar. Fórnarlömbin krefjast opinberrar rannsóknar á sögulegu kynferðislegu ofbeldi af hálfu múslímskra glæpagengja í Oldham en Jess Phillips „verndarráðherra“ Verkamannaflokksins hafnar öllum slíkum kröfum. Jess Phillips hefur öryggi kvenna og nauðgunarmál sem sérsvið. The Telegraph greinir frá:
Hneykslismálið var eitt af mörgum víðs vegar um landið þar sem stúlkur voru misnotaðar tugum saman af bresk-pakistönskum glæpahópum. Keir Starmer sem var yfirmaður saksóknara sagði í ræðu árið 2012 „að lögreglan og saksóknarar gripu oft ekki til aðgerða af ótta við að vera kallaðir rasistar eða íslamahatarar.“ Kemi Badenoch, leiðtogi Íhaldsflokksins og Elon Musk hafa kært þessa ákvörðun um að stöðva rannsókn málsins.
Musk sagði Jess Phillips „verðskulda að sitja í fangelsi vegna svívirðilegrar ákvörðunar hennar til að vernda forsætisráðherrann.“ Elon Musk sagði:
„Hver var yfirmaður saksóknara krúnunnar, CPS, þegar nauðgunarhópum var leyft að níðast á ungum stúlkum án refsingar? Keir Starmer, 2008–2013. Hver er yfirmaður Jess Phillips núna? Keir Stamer [sic]. Raunverulega ástæðan fyrir því að hún neitar að rannsaka barnaníðingshópana er sú, að slíkt myndi augljóslega leiða til þess að Keir Starmer (yfirmaður CPS á þeim tíma) verður sóttur til ábyrgðar.“
Starmer grípur til þess að ásaka Musk um að „breiða út lygar.“ Musk svaraði þá með enn frekari gagnrýni á forsætisráðherrann og sagði að Starmer væra „samsekan um hópnauðganir í skiptum fyrir atkvæði. “ Telegraph greinir frá því að Musk telur Keir Starmer „algjörlega fyrirlitlegan.“
Starmer segist hafa „enduropnað mál“ og „hafið fyrstu meiriháttar saksókn gegn asískum barnaníðshringjum.“ Málið er bara að engar japanskar eða kóreanskar stúlkur hafa verið seldar mansali í Bretlandi. Hér er um að ræða barnaníðingshringi múslímskra karlmanna, aðallega frá Pakistan.
Starmer er glataður í ranghugmyndum sínum og segir að Musk sem hefur 200 milljónir fylgjenda á X sé „í örvæntingu að reyna að vekja athygli á sér.“
Það var og….
