Umræða um kynvitund og sjálfsmynd hefur tekið breytingum á undanförnum árum í Bandaríkjunum. Hlaðvarpsstjórnandinn Joe Rogan vakti nýlega athygli á því að hlutfall ungs fólks sem skilgreinir sig sem trans hefur minnkað verulega á síðustu árum og velti því fyrir sér hvort opnari samfélagsumræða hafi haft áhrif.
Í nýlegum þætti af hlaðvarpinu Reynsla Joe Rogan ræddi Joe Rogan þróunina og tengdi hana meðal annars breytingum á umhverfi umræðu á samfélagsmiðlum eftir að Elon Musk keypti samfélagsmiðilinn X.
Rogan sagði að hann hefði tekið eftir því að fjöldi þeirra sem skilgreina sig sem „non-binary“ eða trans hefði minnkað eftir að umræðan um málið varð opnari á netinu. „Fólk fékk tækifæri til að ræða þetta, gagnrýna og gera grín“ sagði hann og velti því fyrir sér hvort slíkt hefði haft áhrif á hvernig fólk nálgast umræðuna.
🚨NEW: Joe Rogan: "Have you ever seen like how people identifying as nonbinary and trans dropped off right after @elonmusk's purchase of Twitter?"
— Jason Cohen 🇺🇸 (@JasonJournoDC) March 3, 2026
"It's because people got a chance to talk about it, criticize it, put up memes and call it a mental illness again."@DailyCaller pic.twitter.com/TgDFJnaDWd
Af hverju skilgreina færri unglingar sig sem trans í dag?
Rannsókn sem tengist hugveitunni Manhattan Institute bendir til breytinga í sjálfsmynd kynja meðal ungs fólks í Bandaríkjunum. Í skýrslu frá 2025, sem ber titilinn Hnignun trans- og hinsegin-sjálfsmyndar meðal ungra Bandaríkjamanna (The Decline of Trans and Queer Identity among Young Americans) kemur fram að hlutfall þeirra sem skilgreina sig utan hefðbundinnar tvískiptingar kynja hafi lækkað á fáum árum meðal kynslóðar Z. Kynslóð Z eru þeir sem eru fæddir í og vaxa úr grasi í stafrænu umhverfi.
Gögn úr árlegri könnun mannréttinda- og málfrelsissamtaka FIRE meðal yfir 60 þúsund háskólanema árið 2025 sýndu að 3,6 prósent svarenda skilgreindu kyn sitt sem annað en karl eða konu. Árið áður var hlutfallið 5,2 prósent og árin 2022 og 2023 var það 6,8 prósent.
Svipuð þróun kom fram í könnunum innan menntastofnana. Í Phillips Academy Andover sagðist 9,2 prósent nemenda árið 2023 ekki skilgreina sig sem karl eða konu, en árið 2025 hafði hlutfallið lækkað í um 3 prósent. Við Brown University fór hlutfall þeirra sem skilgreindu sig sem non-binary úr 5 prósentum á árunum 2022 og 2023 niður í 2,6 prósent árið 2025.
Umræðan um kynvitund og tjáningarfrelsi hefur verið áberandi í bandarískri samfélagsumræðu undanfarin ár. Sumir telja opnari umræðu hafa haft áhrif á viðhorf og sjálfsmynd, á meðan aðrir benda á að breytingar í könnunum geti einnig tengst félagslegum þáttum, mæliaðferðum eða breyttri sjálfsskilgreiningu meðal ungs fólks.