Þar sem ríkisstjórn Íslands endurvekur aðildarumsókn Jóhönnustjórnarinnar og sækist eftir stuðningi þjóðarinnar um að Ísland gangi í ESB, þá er í lagi að Íslendingar kynni sér hið glæsta himnaríki sem valkyrjurnar lokka með. Nýjustu tölur frá Eurostat sýna að fátækt og félagsleg útilokun eru áfram eitt stærsta samfélagslega vandamál Evrópusambandsins. Samkvæmt tölum fyrir árið 2025 voru 92,7 milljónir manna, eða 20,9 prósent íbúa sambandsins, í hættu á fátækt eða félagslegri útilokun.
https://ec.europa.eu/eurostat/databrowser/view/tgs00107/default/table?lang=en&utm_source=chatgpt.com
Fimmti hver einstaklingur í ESB lifir í fátækt og allt að 60% á vissum stöðum
Þetta þýðir að rúmlega einn af hverjum fimm íbúum Evrópusambandsins býr við aðstæður sem teljast félagslega eða efnahagslega erfiðar samkvæmt skilgreiningum Eurostat.
Mest er fátækt í Búlgaríu, Grikklandi og Rúmeníu, þar sem meira en fjórðungur íbúa telst í áhættuhópi fátækra. Í sumum héruðum Evrópusambandsins er staðan enn alvarlegri. Á svæðum á borð við Calabria á Ítalíu og Guyane, sem tilheyrir Frakklandi, lifa allt að fjórir til sex af hverjum tíu íbúum í fátækt eða félagslegri útilokun.
Fjórðungur barna lifa í fátækt
Sérstakar áhyggjur vekur staða barna. Samkvæmt Eurostat voru 19,5 milljónir barna innan ESB í hættu á fátækt eða félagslegri útilokun árið 2024. Það jafngildir 24,2 prósentum allra barna í sambandinu. Viðkvæmir hópar eins og fatlaðir lifa við 61% meiri fátækt en ófatlaðir.
Ljóst er að þverrandi efnahagslegur styrkur Evrópusambandsins er áminning um hina gríðarlegu fátækt og vaxandi eymd innan sambandsins.
Umræða um framtíð Evrópu snýst oft um sameiginlegan markað, loftslagsmál og alþjóðlegt vægi sambandsins. Tölur Eurostat minna hins vegar á að tæplega 100 milljónir Evrópubúa glíma enn við grundvallarvanda á borð við tekjuskort, félagslega einangrun og takmarkaða þátttöku í atvinnulífi.
Þegar rætt er um framtíð Íslands sem aðila að ESB verður því að taka með í reikninginn hvernig takast eigi á við þá staðreynd að bráðum búa 100 milljónir íbúa sambandsins við fátækt eða félagslega útilokun.
Það hlýtur að liggja áætlun á borði íslenskra jafnaðarmanna um hvernig Ísland muni snúa þessari ESB-þróun við. Sjálfsagt er hún ásamt öðrum leiðum til að bjarga ESB úr ógöngum sínum læstar í djúpríki Íslands sem almenningur fær ekki að sjá en á bara að trúa á og fylgja blint.
Lönd með hæstu hlutföllin (2024)
