Bandarískur almenningur hefur talað og segir hingað og ekki lengra! Frjálsir einstaklingar sem virða einstaklingsfrelsið, málfrelsið, lýðræðið og sjálfsákvörðunarrétt fullveldisins framar öllu öðru. Fólk sem lætur ekki blekkjast eða kúga sig, hvorki með hótunum eða mútum og er stálheiðarlegt. Fólk sem er búið að fá upp í kok af sviknum kosningaloforðum stjórnmálaloddara sem eru bara í pólitík fyrir eigin hag. Hvert og eitt okkar getur spurt: vildi ég vinna starf þar sem ég þarf að taka byssukúlu gegnum eyrað og eiga jafnframt von á því daglega að verða drepinn í starfinu?
Þegar þessi orð eru skrifuð kl 11:10 þá er staðan þessi: Trump hefur tryggt sér 312 kjörmenn af 538 en Kamala hefur 226 kjörmenn. 270 kjörmenn þarf til að verða kjörinn forseti Bandaríkjanna. Trump hefur einnig góðan meirihluta atkvæða 4,7 milljónum fleiri atkvæði en Kamala. Repúblikanar hafa einnig tryggt meirihlutann í öldungadeildinni og fulltrúadeildinni. Skýrari geta skilaboð hins almenna Bandaríkjamanns ekki verið. Sigur Trumps varð eins og repúblikanar unnu að: To big to rig eða of stór til að hægt væri að svindla.
Skýr skilaboð Bandaríkjamanna til umheimsins
Bandaríkjamenn hafna slaufumenningu Vók, þeir hafna grænu lyginni, þeir hafna kynjaruglinu, þeir vilja hafa stjórn á landamærum ríkisins, þeir vilja varðveita vopnaeign landsmanna, þeir vilja hafa möguleika á að ráða örlögum sínum sjálfir ekki hvað síst þegar kemur að því að skapa sér tekjur. Þeir hafna alfarið glóbalizmanum, miðstýringu valds hvaða nafni sem það nefnist, sósíalismanum, kommúnismanum, einræði og yfirtöku ríkisvaldsins á börnum frá foreldrum. Þetta er uppreisn millistéttarinnar og allra vinnandi stétta sem vinna að því frá degi til kvölds að skapa alvöru verðmæti – ekki einhverjar uppblásnar fjármálabólur og Ponsísvikamyllur.
Árásirnar á menningu Vesturlanda sem Íslendingar hafa einnig fengið að kenna á, kasta Bandaríkjamenn á dyr. Þetta eru farsælustu og jafnframt ákveðnustu skilaboð hins hart vinnandi manns í Bandaríkjunum um að hann vilji stjórna sínu lífi sjálfur og ríkisvaldi skuli haldið í lágmarki. Þetta er harðasta spark í bolta sósíalismans og miðstjórnarvalds í stíl við einræðisríki kommúnismans sem Sameinuðu þjóðirnar, Alþjóðaheilbrigðismálastofnunin og World Economic Forum reyna að koma á með Kína á bak við tjöldin. Þetta er ferskur fingur upp í andlit þeirra ofsaríku, sem komið hafa á sósíalískum grænum viðmiðunum og skráningarferli til miðstjórnarinnar sem skilyrði fyrir að fá lán og stofna fyrirtæki.
Verður fróðlegt að fylgjast með því, þegar Elon Musk fer inn í ríkiskerfið til að gera það afkastameira. Má búast við að einn og annar kerfiskratinn fjúki sem svikist hefur um og beitt ríkisvaldinu til að skerða málfrelsið. Þá verður ekki síður athyglisvert að fylgjast með Robert F. Kennedy yngri, sem Trump lofar að „sleppa lausum” á heilbrigðiskerfið. Vonandi leiðir það til þess að Bandaríkin segi sig úr WHO og helst SÞ líka og Parísarsamkomulagið má fjúka án nokkurrar eftirsjár.
Það eru spennandi tímar fram undan en jafnframt hættulegir vegna opstopa vinstri manna sem óska sér Trump feigan.
Hér að neðan má sjá nokkrar framsíður blaða um úrslit kosninganna:
