Bandaríkin svara núna evrópskum leiðtogum sem hafa reynt að hafa að ritskoða, hvað Bandaríkjamenn geta sagt á netinu, með viðurlögum og banni á vegabréfsáritun til Bandaríkjanna. Háttsettum embættismanni innan ESB er bannað að koma til Bandaríkjanna eftir að hann þrýsti á samfélagsmiðla um að eyða löglegu efni. Þetta er skýrt merki þess að Bandaríkjastjórn telur að takmörkun ritskoðunar sé náð, sjá nöfn þeirra bannfærðu og hlekk á tilkynningu Bandaríkjastjórnar um málið að neðan.
Bandarísk stjórnvöld banna fimm Evrópubúum að koma inn í landið samanber nafnalistann að neðan. Tilkynningin er talin vera langþráð skref til að verja tjáningarfrelsið og stöðva erlendar tilraunir til að þagga niður í stjórnmálaandstæðingum. Þeir sem núna eru bannfærðir í Bandaríkjunum eru nefndir sem lykilaðilar í alþjóða ritskoðunarsamsteypu sem hefur í mörg ár þrýst á bandarísk tæknifyrirtæki að ritskoða löglegt efni.
Rubio: Hingað og ekki lengra
Marco Rubio, utanríkisráðherra, útskýrir ákvörðunina í skarpri yfirlýsingu á X. Hann skrifar:
„Allt of lengi hafa hugmyndafræðingar í Evrópu leitt skipulagðar aðgerðir til að neyða bandaríska samfélagsmiðla til að refsa bandarískum skoðunum sem þeir eru ósammála. Stjórn Trumps mun ekki lengur þola þessar augljósu tegund af ritskoðun sem kemur erlendis frá.“
Tilkynningin markar skýra stefnu: Í stað þess að láta undan þrýstingi frá ESB sýna Bandaríkin nú að eigin stjórnarskrá hefur forgang fram yfir þrýsting frá erlendum valdamiðstöðvum.
Nöfn þeirra fimm bannfærðu
Þeir fimm einstaklingar sem nú er meinaður aðgangur að Bandaríkjunum hafa allir gegnt lykilhlutverki í að reyna að takmarka tjáningarfrelsið:
Thierry Breton, arkitekt stafrænnar þjónustulaga ESB, Digital Service Act DSA. Hann notaði embættið sem fyrrverandi framkvæmdastjóri ESB til að ógna fyrirtækjum sem fylgja ekki stefnu ESB. Hann hefur krafist þess að efni á X verði eytt – jafnvel þótt það sé löglegt í Bandaríkjunum – og hefur hafið beinar árásir á Elon Musk.
Imran Ahmed, leiðtogi Miðstöðvar gegn stafrænu hatri, Center for Countering Digital Hate. Hann hefur barist fyrir því að setja andófsmenn á svartan lista og bola þeim burt af Internetinu. Samtök hans hafa unnið með bæði evrópskum og bandarískum stjórnmálamönnum til að gera það erfiðara fyrir samfélagsmiðla að leyfa öðrum röddum að heyrast.
Clare Melford, yfirmaður Alþjóðlegu falsupplýsingavísitölunnar, Global Disinformation Index, stendur á bak við kerfi sem refsar fjölmiðlum fjárhagslega sem fylgja ekki pólitískri frásögn miðju-vinstrimanna. Með því að benda á ákveðnar síður á netinu sem „óhæfar“ fyrir auglýsendur, þá hefur hún í raun kæft fjárhagslega getu þeirra til að komast af – án opins eftirlits eða réttaröryggis.
Josephine Ballon og Anna-Lena von Hodenberg frá þýsku Haturshjálpinni, HateAid, hafa byggt upp innviði fyrir fjöldakærur og fjarlægingu efnis af netinu í gegnum sjálfvirk kerfi. Þeim hefur verið veitt staða „traustra fréttamanna“ hjá ESB – og hafa notað hana til að þrýsta á samfélagsmiðla til að fjarlægja færslur sem í flestum tilfellum brjóta ekki gegn neinum lögum.
Rauða línan: Að ritskoða Bandaraíkjamenn
Sarah B. Rogers, aðstoðarutanríkisráðherra, fagnar ákvörðuninni. Hún sagði í viðtali við GB News í byrjun desember:
„Að ritskoða Bandaríkjamenn í Bandaríkjunum er óásættanleg lína. Það er rauða línan.”
Granítlögin til verndar bandarískum fyrirtækjum
Þingið undirbýr Granítlögin, Granite Act, með frumvarpi sem ætlað er að koma í veg fyrir að erlendar reglugerðir til dæmis frá ESB eða breskum yfirvöldum geti haft áhrif á bandaríska samfélagsmiðla. Fyrri stjórn Bandaríkjanna gerður málamiðlanir gagnvart erlendum kröfum en ríkisstjórn Donald Trumps setur skýr mörk: Tjáningarfrelsið er ekki lengur umsemjanlegt. Hér að neðan er linkur í tilkynningu Bandaríkjastjórnar um baráttuna gegn ritskoðunar iðnveldi glóbalista: