Íhaldsflokkurinn VAlkostur fyrir Þýskaland, Alternative für Deutschland (AfD), hefur að stækkað undanförnu og er orðinn einn vinsælasti flokkur Þýskalands í skoðanakönnunum. Þegar flokksleiðtoginn Alice Weidel talaði í Ungverjalandi dró hún upp dökka mynd af þróun Evrópu sem að hennar sögn er stýrt af „elítu glóbalista“ í Brussel sem eyðileggja aðildarríkin – á sama tíma og hún hrósaði Ungverjalandi, með Viktor Orbán í fararbroddi, sem fyrirmynd. Hún réðst einnig harkalega á stuðning ESB við Úkraínu, sem hún telur aðeins lengja stríðið „sem er ekki okkar.“
Það var í tengslum við íhaldsþingið CPAC í Búdapest um síðustu helgi sem Weidel var meðal ræðumanna. Hún þakkaði Orbán í hlutverki gestgjafans og lýsti Ungverjalandi sem „leiðarljósi vonar í Evrópu.“ Orbán sparaði heldur ekki stóru orðin þegar hann lýsti AfD-leiðtoganum og kallaði hana „hugrakkasta stjórnmálaleiðtoga Evrópu.“
ESB þýðir meira ofbeldi, fleiri lygar og minna frelsi
Í ræðu sinni hélt Weidel því fram að Evrópa stæði enn á ný á úrslitastundu í sögunni. Hún varaði við þróun sem einkennist af „meira ofbeldi, fleiri lygum og minna frelsi“ og setti það í andstöðu við það sem hún lýsti sem sögulegum grunnstoðum álfunnar – „grískri heimspeki, rómversku stjórnskipulagi og kristinni hefð.“
Samkvæmt AfD-leiðtoganum lögðu þessi atriði grunnnn að borgaralegum réttindum, tjáningar- og prentfrelsi auk sjálfsákvörðunarréttar bæði einstaklinga og þjóða.
Alice Weidel lagði áherslu á að þessi gildi séu ekki aðeins óhlutbundnar hugmyndir heldur „sannfæringar sem sameina okkur“, rótgrónar í vernd fjölskyldunnar, virðingu fyrir einkaeign og frjálsu markaðshagkerfi. Jafnframt undirstrikaði hún að „einungis fullvalda lýðræðislegt þjóðríki veitir nægilega traustan ramma til að þessi gildi haldist“ sem hún sagði að ekki mætti taka sem sjálfsögðum hlut.
AfD-leiðtoginn vísaði einnig til sögulegra atburða og nefndi bæði uppreisnina í Ungverjalandi árið 1956 og verkamannauppreisnina í Austur-Þýskalandi árið 1953 sem dæmi um verð frelsisins:
„Þjóðverjar og Ungverjar, tvær stoltar þjóðir, vita nákvæmlega hvað það kostar að skilgreina frelsi – verðið er þess virði að greiða það. Við Þjóðverjar munum aldrei, nokkru sinni gleyma því sem við skuldum ungversku þjóðinni.“
Weidel: Glóbalistaelítan stjórnar ESB
Í samtímapólitík beindi Weidel harðri gagnrýni að ESB, sem hún hefur áður líkt við Sovétríkin, og að því sem hún kallaði innri ógnir við frelsið. Samkvæmt henni kemur hættan að þessu sinni innan frá, frá „glóbalistaelítunni í Brussel og í alltof mörgum evrópskum höfuðborgum.“
Weidel sakaði þessi pólitísku öfl:
„Þau fylla lönd okkar með ólöglegum fjöldainnflytjendum, þau neyða eigið fólk til að fæða, hýsa og veita þessum fjölda forréttindi á sama tíma og glæpatíðnin springur út, hryðjuverkin heimsækja götur okkar og íslamsk öfgahyggja festir rætur. Og með þessu stela þau sál evrópskra landa okkar.“
Hún réðst einnig harkalega á og dró saman það sem hún telur vera stefnu „glóbalistaelítunnar“ innan ESB sem að hennar mati flæðir yfir aðildarríkin með reglum og þrýstingi til að umbreyta álfunni.
„Þau skapa heimsendahræðslu í kringum svo kallaðar manngerðar loftslagsbreytingar og nota það sem fullkomna afsökun til að kæfa iðnað okkar, grafa undan orkuöryggi okkar, ýta heilu samfélögunum út í fátækt og innleiða vist-sósíalískt skipanahagkerfi sem eykur völd þeirra gríðarlega.
Þau krefjast þess að við samþykkjum brenglaðar hugmyndir um tugi eða hundruð kynja, að við köllum karla konur og konur karla. Þau rugla huga barna okkar.“
Kæfa tjáningarfrelsið og skipta sér af kosningum
Samkvæmt Alice Weidel felur „elítan í Brussel“ sig á bak við það yfirskin að þykjast vera að berjast gegn rangfærslum en í rauninni snýst það um að ná stjórn á aðildarríkjunum og þagga niður í andófsmönnum.
„Og samt er það ekki nóg fyrir þau. Þau heyja stöðugt stríð gegn tjáningarfrelsi, þau ofsækja borgara sem þora að gagnrýna þessa valdboðslegu stefnu. Þau fela sig á bak við kaldhæðnislegt yfirskin þess að berjast gegn rangfærslum til að ofsækja flokka og ríkisstjórnir sem setja lífsnauðsynlega hagsmuni fólks í forgang.
Þau hika ekki einu sinni við að skipta sér af þjóðlegum kosningum til að hafa áhrif á vilja frjálsra borgara, því þau óttast umfram allt það sem fólkið gæti ákveðið af fúsum og frjálsum vilja. Í Brussel virðast þau halda að þolinmæði borgara Evrópu sé endalaus – þau hafa rangt fyrir sér.“
Senda milljarða til spilltrar Úkraínustjórnar
Hún gagnrýndi harðlega afstöðu ESB í yfirstandandi stríði í Úkraínu sem núna er komið á fimmta ár. Samkvæmt AfD-leiðtoganum stendur ESB með Úkraínu, burtséð frá því sem landið gerir og hvernig sem það hagar sér.
Weidel heldur því fram að Úkraína hafi staðið að skemmdarverkum á orkuinnviðum innan ESB, líklegast með vísun til árásanna á Nord Stream gasleiðslurnar og hún hefur skýrt tekið fram að Úkraína verði látin sæta ábyrgð þegar AfD kemst til valda.
Í ræðu sinni lýsti AfD-leiðtoginn Úkraínu sem „einni spilltustu stjórnar í heimi“ og sakaði Brussel um að lengja átökin, sem hún telur að snerti ekki einu sinni ESB, heldur sé ágreiningur milli Rússlands og Úkraínu.
„Þau stafla upp skuldum og senda óteljandi milljarða til einnar spilltustu stjórnar í heimi, Úkraínu, til að lengja stríð sem ekki er okkar. Það er ekki okkar,“ lagði Weidel áherslu á.
Tölurnar tala: Vaxandi stuðningur við þjóðarsinnaða flokka
Í ræðunni lagði hún áherslu á það sem hún telur vera vaxandi óánægju meðal íbúa Evrópu. Hún benti á aukinn stuðning við þjóðarsinnaða flokka í Evrópu, með dæmum úr eigin fylgi AfD en einnig sterkan stuðning við Viktor Orbán sem merki þess að þolinmæðin sé að þverra.
Weidel, en flokkur hennar mælist í skoðanakönnunum á pari við leiðandi kristilega demókrataflokkinn CDU, lagði áherslu á að AfD sé eini raunverulegi stjórnarandstöðuflokkurinn í Þýskalandi sem stefni að því að mynda næstu ríkisstjórn, þrátt fyrir að aðrir flokkar í sambandsþinginu neiti að vinna með þeim.
Í lokaorðum sínum sneri Weidel aftur að þemanu um baráttu og frelsi.
„Við munum þurfa að berjast enn á ný fyrir frelsi okkar og sjálfsákvörðunarrétt. Aðferðirnar verða aðrar, en hugrekkið og staðfestan, járnviljinn, verða að vera nákvæmlega þau sömu og hjá forfeðrum okkar.“
Hún lagði einnig áherslu á samstöðu milli hliðstæðra hreyfinga í Evrópu og sagði að við teljum okkur sannarlega lánsöm að standa hlið við hlið gegn ESB-vélinni í Brussel, sem reyni að ná yfirráðum yfir fullveldi aðildarríkjanna. Alice Weidel lauk ræðunni með kveðju til Viktor Orbáns og flokks hans Fidesz fyrir komandi kosningar í Ungverjalandi 12. apríl:
„Við óskum þér alls hins besta, Guð blessi þig, Guð blessi Ungverjaland, Guð blessi Þýskaland og Guð blessi frjálsa Evrópu.“
