Alþjóðaheilbrigðismálastofnunin, WHO, fullyrðir í yfirlýsingu á vefsíðu sinni, að meint loftslagsvandamál krefjist árlega meira en 175.000 mannslífa í Evrópu og búist sé við að þeim fjölgi verulega í framtíðinni. Danskur fræðimaður, sem þekkir efnið, er hins vegar ósammála því og segir upplýsingarnar vera falsfréttir.
Dr. Hans Henri P. Kluge, svæðisstjóri WHO í Evrópu, skrifar að hamfarahlýnunin sé hröðust í Evrópu af sex svæðum WHO. Er þar fullyrt, að hitastig hækki um það bil helmingi meira en að meðaltali á heimsvísu og að fólk stikni í hitanum.
Segir loftslagið orsaka langvarandi sjúkdóma og dauða jarðarbúa
Sagt er, að loftslagskreppan hafi hækkað hitastigið og lífið sé ómögulegt víða um heim. Áætluð dauðsföll hafi verið 489.000 tengd hamfarahlýnun á hverju ári 2000 – 2019. Evrópa stendur fyrir 36% mannfallsins sem er að meðaltali rúmlega 175.000 dauðsföll árlega vegna ofurhita loftslagshjúpsins.
Ennfremur er fullyrt, að hitastreita sé helsta orsök loftslagstengdra dauðsfalla í Evrópu og að hinn mikli hiti sagður auka langvarandi sjúkdóma eins og hjarta- og æðasjúkdóma, öndunarfærasjúkdóma, heila- og æðasjúkdóma, geðheilbrigði og sykursýki. Svæðisstjóri WHO í Evrópu skrifar:
„Við verðum að efla allar samstilltar aðgerðir til að vernda heilsu okkar gegn þessum beinu banvænu áhrifum hins breytta loftslags. Ég styð fullkomlega ákall framkvæmdastjórans um aðgerðir sem eru bæði brýnar og tímabærar til að vekja athygli á heimsvísu um að takast á við þessa alþjóðlegu ógn við lýðheilsuna.“
Ekki orð um þá 675 þúsund sem deyja úr kulda á hverju ári
Í færslu á samfélagsmiðlum segir danski vísindamaðurinn Björn Lomborg að tölur WHO séu stórlega ýktar. Eftir athugasemdina fjarlægði WHO orðið „öfgafullt“ úr fyrirsögninni en hélt sömu tölum og fyrr. Fyrsta útgáfan hafði þá þegar borist út á samfélagsmiðla.
Lomborg segir það grátbroslegt, að WHO telji „að loftslagsbreytingar séu stærsta ógn við heilsufar jarðarbúa á 21. öldinni.“ Hann tekur fram að talan 175.000 sé fjórfalt yfirdrifin og jafnframt sé ekkert minnst á þá 657.000 sem deyja úr kulda á hverju ári.
