Helga Dögg Sverrisdóttir er ofsótt af Samtökunum 78 eins og Páll Vilhjálmsson sem var sýknaður af ákærum þeirra og Eldur Smári Kristinsson sem bíður eftir réttarhöldum vegna hatursorðræðu.
Eitthvað er bogið við mannréttindin, þegar venjulegar heimavinnandi húsmæður og kennarar eru lögð í einelti lífsskoðunarfélags sem heldur því fram að kynin séu fleiri en tvö og að hægt sé að „skipta” um kyn. Bókasafnsstjóri Amtbókasafnsins á Akureyri blandar saman einkaskoðunum og þátttöku í starfi heimavinnandi húsmæðra sem vilja hittast og brydda upp á öðru en að daglöngum bleijuþvotti á heimilinu. Hólmkell Hreinsson, bókasafnsstjóri krefst þess að Andrýmið fái ekki lengur aðgang að bókasafninu og lögfræðingur bæjarins skrifar að Andrýmið verði að staðfesta að félagið aðhafist ekkert sem gangi í bága við mannréttindastefnu Akureyrarbæjar.
Fordómar Hólmkels Hreinssonar birtast í heimasmíðuðum tilgátum um einka afstöðu eins meðlims Andrýmis sem kaupir ekki að kynin séu fleiri en tvö. Bókasafnsstjórinn talar fjálglega um mannréttindi þeldökkra en hvað með mannréttindi meðlimsins sem hefur aðra grundvallar lífsskoðun en Samtökin 78? Er búið að taka mannréttindin af þeim sem ekki eru sammála S78? Hafa S78 einkaleyfi á skoðun um óteljandi kyn sem enginn getur sagt hvað eru mörg eða hvernig þau eru og engar aðrar skoðanir leyfðar? Er þá hinsegin reglan ekki orðin að alræðisstjórnun, þegar refsa á þeim sem hafa hinsegin skoðun við hinsegin fólkið?
Helga Dögg segir frá eigin reynslu en hún hefur beðið í tvö ár eftir niðurstöðu í kæru S78 gagnvart henni fyrir að fullyrða að kynin eru tvö.
Drenglyndi, félagsskapur foreldra á Akureyri, hefur sent athugasemd við samning Akureyrabæjar og Samtakanna 78 til Persónuverndar, til að fá úr því skorið, hvort ákvæði samnings um aðgang S78 að trúnaðarupplýsingum, viðkvæmum persónulegum upplýsingum um börn í leikskólum, grunn- og framhaldsskólum, standist lög um persónuvernd.
Haturslög um kynvitund virðist tæki til að lemja inn kenninguna um óteljandi kyn í þjóðarsálina. Þau verður að ógilda hið allra fyrsta.
